Kerala Blasters|യുവ പ്രതിഭകളുമായി ബ്ലാസ്റ്റേഴ്സ് ഒരുങ്ങുന്നു; റിത്വിക് ദാസ് കേരള ബ്ലാസ്റ്റേഴ്സിൽ
- Published by:Gowthamy GG
- news18-malayalam
Last Updated:
ഒഡിഷ എഫ് സി യുടെ അൽബിനോ ഗോമസ് എന്ന 26കാരനാണ് ഗോൾകീപ്പർ . ജെ സെൽ കാർണറോയുടെ കരാറും നീട്ടിയിട്ടുണ്ട്.
കൊച്ചി: പരിചയ സമ്പന്നരായ മുൻ നിര താരങ്ങളെ നഷ്ടമായെങ്കിലും യുവത്വത്തിലൂടെ കളം പിടിക്കാനൊരുങ്ങുകയാണ് ബ്ലാസ്റ്റേഴ്സ്.
ഇന്ത്യൻ സൂപ്പർ ലീഗിന്റെ വരാനിരിക്കുന്ന സീസണിൽ ബ്ലാസ്റ്റേഴ്സിന്റെ പ്രധാന ആയുധം യുവ രക്തമായിരിക്കും. കേരള ബ്ലാസ്റ്റേഴ്സിനായി 23 കാരനായ മിഡ്ഫീൽഡർ റിത്വിക് കുമാർ ദാസ് ഈ സീസണിൽ ബൂട്ടണിയും.
ആക്രമണാത്മക മിഡ്ഫീൽഡറായി കളിക്കാൻ കഴിയുന്ന ബഹുമുഖ വിംഗറായ റിത്വിക് റിയൽ കശ്മീർ എഫ്സിയിൽ നിന്നാണ് കെബിഎഫ്സിയിലെത്തിയത്. റിയൽ കാശ്മീരിനായി അദ്ദേഹം 11 മത്സരങ്ങൾ കളിച്ചിട്ടുണ്ട് അതിൽ 6 മത്സരങ്ങളിൽ ആദ്യ ഇലവനിൽ ഇറങ്ങിയ താരം കഴിഞ്ഞ ഐ-ലീഗ് സീസണിൽ 2 അസിസ്റ്റുകൾ സംഭാവന നൽകുകയും ചെയ്തു.
advertisement
2018 ഡിസംബറിൽ ഐ-ലീഗിൽ അരങ്ങേറ്റം കുറിച്ച അദ്ദേഹം തന്റെ വേഗതയും പന്തിലുള്ള മികച്ച നിയന്ത്രണവും, കഴിവും കൊണ്ട് ശ്രദ്ധ നേടിയിരുന്നു.
കഴിഞ്ഞ വർഷം മൈതാനത്തു ശരാശരി നിലവാരം മാത്രമുള്ള ആൾക്കൂട്ടം മാത്രമായിരുന്നു ബ്ലാസ്റ്റേഴ്സ് . നിറം മങ്ങിയ ടീം തങ്ങളുടെ കോച്ച് എൽക്കോ ഷെട്ടോറിയെ മാറ്റിയിരുന്നു. സന്ദേശ് ജിങ്കാൻ, ഒഗ് ബച്ചേ എന്നിവരും ടീം വിട്ടു.
advertisement
[PHOTO]
ഈ സീസണിൽ യുവാക്കൾക്ക് പരിഗണന നല്കിയാണ് ബ്ലാസ്റ്റേഴ്സ് തിരിച്ചുവരവിന് ശ്രമിക്കുന്നത്. ഒഡിഷ എഫ് സി യുടെ അൽബിനോ ഗോമസ് എന്ന 26കാരനാണ് ഗോൾകീപ്പർ . ജെ സെൽ കാർണറോയുടെ കരാറും നീട്ടിയിട്ടുണ്ട്. പുതിയ കോച്ച് കിബു വികുനയിലൂടെ തിരിച്ചെത്താൻ കഴിയുമെന്നാണ് ബ്ലാസ്റ്റേഴ്സിൻ്റെയും ആരാധകരുടെയും പ്രതീക്ഷ.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Jul 15, 2020 11:01 PM IST
മലയാളം വാർത്തകൾ/ വാർത്ത/Sports/
Kerala Blasters|യുവ പ്രതിഭകളുമായി ബ്ലാസ്റ്റേഴ്സ് ഒരുങ്ങുന്നു; റിത്വിക് ദാസ് കേരള ബ്ലാസ്റ്റേഴ്സിൽ
