ധോണിയെ കാത്തിരിക്കുന്നത് ചരിത്ര നേട്ടം; കാര്യവട്ടത്തിന് പൊന്തിളക്കമേകാന് മഹി
Last Updated:
തിരുവനന്തപുരം: ക്രിക്കറ്റ് ലോകത്തിന്റെ കണ്ണുകളെല്ലാം നാളെ തിരുവനന്തപുരത്തേക്കാകും. പരമ്പര ഇന്ത്യ നേടുമോ അതോ വിന്ഡീസ് സമനിലപിടിക്കുമോയെന്നാണ് ക്രിക്കറ്റ് താരങ്ങളും ആരാധകരും ഒരുപോലെ നോക്കുന്നത്. എന്നാല് പരമ്പരയിലെ വിജയികളെ മാത്രമല്ല മറ്റൊരു ചരിത്രനിമിഷത്തിനും കേരളം സാക്ഷ്യം വഹിച്ചേക്കും. മുന് ഇന്ത്യന് നായകനും സീനിയര് താരവുമായ എംഎസ് ധോണി നാളെ ഒരു റണ്ണെടുത്താന് ഇന്ത്യക്കായി ഏകദിനത്തില് 10,000 റണ്സ് തികയ്ക്കുന്ന അഞ്ചാം താരമാകും.
നിലവില് ഇന്ത്യന് കുപ്പായത്തില് 9,999 റണ്സാണ് ധോണി നേടിയത്. 9 സെഞ്ച്വറിയും 67 അര്ദ്ധ സെഞ്ച്വറിയും സഹിതമാണ് ഇത്. എന്നാല് ഏകദിന ക്രിക്കറ്റില് നേരത്തെ 10,000 റണ്സ് തികച്ച താരമാണ് ധോണി. നിലവില് 10,173 റണ്സാണ് താരത്തിന്റെ സമ്പാദ്യം. പക്ഷേ ഇത് ഏഷ്യന് ഇലവനുവേണ്ടി കളത്തിലിറങ്ങിയപ്പോള് താരം നേടിയ 174 റണ്സ് ഉള്പ്പെടെയാണ്. 2007 ലാണ് താരം ഏഷ്യന് ഇലവന് വേണ്ടി മൂന്ന് മത്സരങ്ങള് കളിച്ചത്.
advertisement
വിരാട് കോഹ്ലി 10,000 റണ്സ് തികച്ച പരമ്പരയില് ധോണിയും പതിനായിരം തികയ്ക്കുക എന്നത് ഇന്ത്യന് ക്രിക്കറ്റിനെ സംബന്ധിച്ചിടത്തോളം പ്രാധാന്യമുള്ള കാര്യമാണ്. കേരളത്തില്വെച്ച് താരം ഈ നേട്ടം സ്വന്തമാക്കിയാല് ആരാധകര്ക്കും മറക്കാന് കഴിയാത്ത നിമിഷമായി ഇത് മാറും.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Oct 31, 2018 4:42 PM IST
മലയാളം വാർത്തകൾ/ വാർത്ത/Sports/
ധോണിയെ കാത്തിരിക്കുന്നത് ചരിത്ര നേട്ടം; കാര്യവട്ടത്തിന് പൊന്തിളക്കമേകാന് മഹി
