ICC World Cup 2023: ഒരു ലോകകപ്പിൽ ഏറ്റവും കൂടുതൽ റൺസ് നേടുന്ന ക്യാപ്റ്റൻ; രോഹിത് ശർമയ്ക്ക് റെക്കോർഡ്

എന്നാൽ ഇതിനിടെയലും ചരിത്രം കുറിക്കാൻ ടീം ക്യാപ്പറ്റന് സാധിച്ചു. മത്സരത്തിനിടെ ചരിത്രനേട്ടം സ്വന്തമാക്കിയിരിക്കുകയാണ് ഇന്ത്യൻ നായകൻ രോഹിത് ശർമ. 31 പന്തിൽ 47 റൺസാണ് രോഹിത് നേടിയത്. നാല് ഫോറും മൂന്ന് പടുകൂറ്റൻ സിക്സും നേടിയായിരുന്നു ഇന്ത്യൻ നായകന്റെ തിരിച്ചുപോക്ക്. ഗ്ലെൻ മാക്സ്വെല്ലിന്റെ പന്തിൽ ട്രാവിസ് ഹെഡിന് ക്യാച്ച് നൽകിയായിരുന്നു രോഹിത് പുറത്തായത്. ഇതിനു പിന്നാലെ ഒരു ലോകകപ്പിൽ ഏറ്റവും കൂടുതൽ റൺസ് നേടുന്ന ക്യാപ്റ്റൻ എന്ന റെക്കോഡ് നേട്ടത്തിലേക്കാണ് രോഹിത് കുതിച്ചത്.

ന്യൂസിലാൻഡ് നായകൻ കെയ്ൻ വില്യംസണിനെ മറികടന്നാണ് രോഹിത് ചരിത്രപരമായ നേട്ടം സ്വന്തം പേരിലാക്കിയത്. പത്ത് മത്സരങ്ങളിൽ നിന്നും 578 റൺസ് ആയിരുന്നു വില്യംസൺ നേടിയത്. ഇത് മറികടന്നുകൊണ്ടാണ് രോഹിത് മുന്നേറിയത്. 597 ആണ് രോഹിത്ത് ശർമയുടെ റൺസ്.