'നിങ്ങള്‍ ഒറ്റയ്ക്കല്ല'; ആശുപത്രിക്കിടക്കയിലുള്ള മുന്‍ സഹതാരത്തിനു സഹായവുമായി ഗാംഗുലി

ബറോഡ് ക്രിക്കറ്റ് അസോസിയേഷന്‍ മുന്‍ സെക്രട്ടറിയായ സഞ്ജയ് പട്ടേലായിരുന്നു ജേക്കബ് മാര്‍ട്ടിന സഹായവുമായി ആദ്യമെത്തിയത്. പിന്നാലെ ഇന്ത്യന്‍ പരിശീലകന്‍ രവി ശാസ്ത്രിയും സഹായവാഗ്ദാനവുമായി രവി ശാസ്ത്രിയും രംഗത്തെത്തിയിരുന്നു. സഹീര്‍ ഖാന്‍, ഇര്‍ഫാന്‍ പത്താന്‍, യൂസഫ് പത്താന്‍, മുനാഫ് പട്ടേല്‍ തുടങ്ങിയ താരങ്ങളും ജേക്കബിന് സഹായവുമായി എത്തിയിട്ടുണ്ട്.

2.70 ലക്ഷം രൂപയാണ് ബിസിസിഐ നിലവില്‍ നല്‍കിയതെന്നും കുടുംബം കൂടുതല്‍ പ്രതീക്ഷിക്കുന്നുണ്ടെന്നും സഞ്ജയ് പട്ടേല്‍ കഴിഞ്ഞദിവസം പറഞ്ഞിരുന്നു. ഇന്ത്യന്‍ റയില്‍വേസിന്റെ ബാറ്റ്‌സ്മാനായിരുന്ന ജേക്കബ് മാര്‍ട്ടിന്‍ വിന്‍ഡീസിനെതിരെ 1999 ലാണ് ഇന്ത്യന്‍ ടീമില്‍ അരങ്ങേറ്റം കുറിച്ചത്. പത്ത് അന്താരാഷ്ട്ര ഏകദിന മത്സരങ്ങള്‍ താരം ഇന്ത്യക്കുവേണ്ടി കളിച്ചിട്ടുണ്ട്. 138 ഫസ്റ്റ് ക്ലാസ് മത്സരങ്ങളില്‍ നിന്നായി 9192 റണ്‍സും താരം നേടിയിട്ടുണ്ട്.