ഇന്ത്യന്‍ മുന്‍ ക്രിക്കറ്റ് താരം ജീവനുവേണ്ടി പൊരുതുന്നു; സഹായം തേടി ഭാര്യ

ബിസിസിഐയുടെയും ബറോഡ ക്രിക്കറ്റ് അസോസിയേഷന്റെയും മുന്‍ സെക്രട്ടറിയായ സഞ്ജയ് പട്ടേലും താരത്തിനായ് സഹായം അഭ്യര്‍ത്ഥിച്ച രംഗത്തെത്തി. 'അപകട വാര്‍ത്തയറിഞ്ഞപ്പോള്‍ എനിക്ക് കഴിയുന്നവിധം ഞാന്‍ കുടുംബത്തെ സഹായിച്ചിരുന്നു. പലരോടും സംസാരിച്ചതിനനുസരിച്ച് കുറച്ച് രൂപയും സംഘടിപ്പിച്ചു. അഞ്ച് ലക്ഷം രൂപയോളം സംഘടിപ്പിക്കാന്‍ കഴിഞ്ഞു' പട്ടേല്‍ പറഞ്ഞു.

2.70 ലക്ഷം രൂപയാണ് ബിസിസിഐ നിലവില്‍ നല്‍കിയതെന്നും കുടുംബം കൂടുതല്‍ പ്രതീക്ഷിക്കുന്നുണ്ടെന്നും സഞ്ജയ് പട്ടേല്‍ പറഞ്ഞു. ഇന്ത്യന്‍ റയില്‍വേസിന്റെ ബാറ്റ്സ്മാനായിരുന്ന ജേക്കബ് മാര്‍ട്ടിന്‍ വിന്‍ഡീസിനെതിരെ 1999 ലാണ് ഇന്ത്യന്‍ ടീമില്‍ അരങ്ങേറ്റം കുറിച്ചത്. പത്ത് അന്താരാഷ്ട്ര ഏകദിന മത്സരങ്ങള്‍ താരം ഇന്ത്യക്കുവേണ്ടി കളിച്ചിട്ടുണ്ട്. 138 ഫസ്റ്റ് ക്ലാസ് മത്സരങ്ങളില്‍ നിന്നായി 9192 റണ്‍സും താരം നേടിയിട്ടുണ്ട്.