Asian Games|28 സ്വർണം, 38 വെള്ളി, 41 വെങ്കലം അടക്കം 107 മെഡലുമായി ഇന്ത്യ; 72 വർഷത്തെ ചരിത്രത്തിൽ ആദ്യം

107 മെഡലുകളുമായി നാലാം സ്ഥാനത്താണ് ഇന്ത്യ. 1962-ലെ ജക്കാർത്ത ഏഷ്യൻ ഗെയിംസിൽ മൂന്നാം സ്ഥാനത്തെത്തിയതിന് ശേഷം ഇന്ത്യ എത്തുന്ന ഉയർന്ന റാങ്കിങ്ങാണിത്. ഗെയിംസിന്റെ പതിമൂന്നാം ദിനമായ ഇന്ന് 12 മെഡലുകളാണ് ഇന്ത്യ നേടിയത്. വനിതകളുടെ വ്യക്തിഗത കോമ്പൗട്ട് ആർച്ചെറിയിൽ വെങ്കലം നേടി അതിഥി സ്വാമിയാണ് മെഡൽ വേട്ടയ്ക്ക് തുടക്കം കുറിച്ചത്. ഇതേ ഇനത്തിൽ ഇന്ത്യയുടെ ജ്യോതി സുരേഖ സ്വർണം കരസ്ഥമാക്കി. അവസാന ദിനമായ ഇന്ന് ആറ് സ്വർണവും നാല് വെള്ളിയും രണ്ട് വെങ്കലവും ഇന്ത്യൻ താരങ്ങൾ നേടി.

Also Read- മഴ മൂലം ഫൈനൽ ഉപേക്ഷിച്ചു; ഏഷ്യൻ ഗെയിംസ് ക്രിക്കറ്റിൽ ഇന്ത്യയ്ക്ക് സ്വർണം

Also Read- അതിവേഗ സെഞ്ചുറിയുമായി ലോകകപ്പ് റെക്കോഡ് സ്വന്തമാക്കി എയ്ഡൻ മാർക്രം

വനിതകളുടെ കോമ്പൗണ്ട് ഇനത്തില്‍ ജ്യോതി സുരേഖ വെന്നവും സ്വര്‍ണം നേടി. ഫൈനലില്‍ കൊറിയന്‍ താരത്തെ 149-145 എന്ന സ്‌കോറിന് മറികടന്നായിരുന്നു ജ്യോതിയുടെ സ്വര്‍ണ നേട്ടം. ഇത്തവണത്തെ ഗെയിംസില്‍ ജ്യോതിയുടെ മൂന്നാം സ്വര്‍ണമാണിത്. വനികളുടെ കോമ്പൗണ്ട് ടീം ഇനത്തിലും മിക്‌സഡ് കോമ്പൗണ്ട് ടീം ഇനത്തിലുമായിരുന്നു ജ്യോതിയുടെ മറ്റ് സ്വര്‍ണ നേട്ടം.