ദോഹയില്‍ നിന്നുള്ള ഒരു വിമാനം ശനിയാഴ്ചത്തേക്ക് മാറ്റി; വ്യാഴാഴ്ച കൊച്ചിയിലെത്തുന്നത് ഒരെണ്ണം മാത്രം

അബുദാബി: പ്രവാസി മലയാളികളെയും വഹിച്ച് വ്യാഴാഴ്ച ദോഹയിൽ നിന്നും പുറപ്പെടുമെന്നു പ്രഖ്യാപിച്ചിരുന്ന ഒരു വിമാനത്തിന്റെ യാത്ര നീട്ടിവച്ചു. നാളെ കൊച്ചിയിൽ എത്തുമെന്നു പ്രതീക്ഷിച്ചിരുന്ന രണ്ടു വിമാനങ്ങളിൽ ഒന്നിന്റെ യാത്രയാണ് ശനിയാഴ്ചത്തേക്ക് മാറ്റിയത്. ഇതോടെ നേരത്തെ പ്രഖ്യാപിക്കപ്പെട്ടതിൽ നിന്നും വ്യത്യസ്തമായി കൊച്ചി വിമാനത്താവളത്തിൽ വ്യാഴാഴ്ച ദോഹയിൽ നിന്നും ഒരു വിമാനമെ എത്തിച്ചേരൂ.