രോഗലക്ഷണങ്ങള്‍ അഭിനയിക്കുകയാണെന്ന് ഡോക്ടര്‍മാര്‍; ഒടുവില്‍ അപൂര്‍വരോഗം ബാധിച്ച് 33 കാരിക്ക് ദാരുണാന്ത്യം

2015ലാണ് സ്റ്റെഫാനിയുടെ രോഗലക്ഷണങ്ങൾ സാങ്കൽപികമാണെന്ന് ഒരു ഡോക്ടർ വിധിയെഴുതിയത്. സ്റ്റെഫാനിയുടെ പരിശോധന ഇദ്ദേഹം വൈകിപ്പിക്കുകയും ചെയ്തു. പിന്നീട് ആശുപത്രിയിൽ നിന്ന് സൂചികൾ മോഷ്ടിച്ചെന്നും സ്വയം ഉപദ്രവിച്ചെന്നും സ്റ്റെഫാനിക്കെതിരെ ആരോപണങ്ങൾ ഉയർന്നതായി ന്യൂസിലാന്റ് ഹെറാൾഡിന്റെ റിപ്പോർട്ടിൽ പറയുന്നു. ശരിയായ ചികിത്സ ലഭിക്കുന്നതിന് പകരം സ്റ്റെഫാനിയെ ആശുപത്രിയിലെ മാനസികരോഗ വിഭാഗത്തിലേക്ക് പ്രവേശിപ്പിക്കുകയായിരുന്നു. അടിസ്ഥാന ആവശ്യങ്ങൾ ചെയ്യാനുള്ള കഴിവ് പോലും സ്റ്റെഫാനിക്ക് നഷ്ടപ്പെട്ടിരുന്നു.

ശരീരത്തിലെ കണക്ടീവ് ടിഷ്യൂകളെ (connective tissue) ബാധിക്കുന്ന അപൂർവ്വ ജനിതക രോഗമാണ് ഇഡിഎസ്. എല്ല്, രക്തക്കുഴലുകൾ, മറ്റ് അവയവങ്ങൾ എന്നിവയുടെ പ്രവർത്തനം സു​ഗമമാക്കുന്ന ടിഷ്യൂകൾ ആണിവ. ഒന്നിലധികം വേരിയന്റുകളും ഈ രോഗത്തിനുണ്ട്. ത്വക്ക്, അസ്ഥി ബന്ധം, രക്തക്കുഴൽ, ആന്തരിക അവയവങ്ങൾ, അസ്ഥികൾ, എന്നിവയെ ബന്ധിപ്പിച്ച് നിർത്തുന്ന കണക്ടീവ് ടിഷ്യൂകകളെയാണ് ഈ രോഗം ബാധിക്കുക. രോ​ഗം ബാധിക്കുന്നവരിൽ ചർമം, സന്ധികൾ, രക്തക്കുഴലുകൾ എന്നിവയുടെയെല്ലാം പ്രവർത്തനം തകരാറിലാകുന്നു.