വധ ഭീഷണികൾക്കിടെ ഖമനേയി ഇറാന്റെ അടുത്ത പരമോന്നത നേതാവിന്റെ പേര് നിർദേശിച്ചതായി റിപ്പോർട്ട്; മകൻ പട്ടികയിലില്ലെന്ന് സൂചന

ഖമനേയിയുടെ മകൻ മൊജ്തബ പിൻഗാമികൾകക്കായി ഷോർട്ട്‌ലിസ്റ്റ് ചെയ്ത മുതിർന്ന പുരോഹിതന്മാരുടെ പട്ടികയിൽ ഇല്ലെന്ന് ഉദ്യോഗസ്ഥർ വ്യക്തമാക്കിയതായും റിപ്പോർട്ടിൽ പറയുന്നു. ഇറാന്റെ പരമോന്നത നേതൃസ്ഥാനത്തേക്ക് ഖമനേയിയുടെ മകനെ പരിഗണിക്കുന്നുണ്ടെന്ന തരത്തിൽ മുമ്പ് റിപ്പോർട്ടുകൾ പുറത്തു വന്നിരുന്നു. ഇസ്രയേലോ അമേരിക്കയോ തന്നെ വധിക്കാൻ സാധ്യതയുണ്ടെന്ന് ഖമേനിക്ക് അറിയാമെന്നും അത്തരമൊരു മരണത്തെ അദ്ദേഹം രക്തസാക്ഷിത്വമായി കണക്കാക്കുമെന്നും ഇറാനിയൻ ഉദ്യോഗസ്ഥർ അവകാശപ്പെട്ടതായി റിപ്പോർട്ടിൽ പറയുന്നു.