നെതന്യാഹുവിന് തിരിച്ചടി; വെടിനിർത്തലിന് പിന്നാലെ ഇസ്രായേൽ സുരക്ഷാമന്ത്രി രാജിവെച്ചു

ഗാസയിൽ വെടിനിർത്തൽ കരാർ പ്രാബല്യത്തിൽ വന്നതിന് പിന്നാലെ ഇസ്രയേൽ സുരക്ഷാമന്ത്രി ഇറ്റാമർ ബെൻഗ്വിർ രാജിവെച്ചു. ഒട്സ്മ യെഹൂദിത് പാർട്ടി നേതാവായ ഇറ്റാമർ ആണ് രാജിവെച്ചത്. വെടിനിർത്തൽ കരാർ ഹമാസിന് മുന്നിലുള്ള കീഴടങ്ങലാണെന്ന് ആരോപിച്ചായിരുന്നു രാജി. വെടിവനിർത്തൽ കരാർ നിലവിൽ വന്നാൽ താൻ രാജിവയ്ക്കുമെന്ന് ഇറ്റാമർ നേരത്തെ മുന്നറിയിപ്പ് നൽകിയിരുന്നു. വെടിനിർത്തൽ കരാർ യുദ്ധത്തിൽ ഇസ്രയേൽ സൈന്യം കൈവരിച്ച നേട്ടങ്ങൾ നിരാകരിക്കുന്നതിന് തുല്യമാണെന്ന് ഒട്സ്മ യെഹൂദിത് പാർട്ടി ഔദ്യോ​ഗിക കുറിപ്പ് പുറത്തുവിട്ടു. അതേസമയം ബെഞ്ചമിൻ നെതന്യാഹുവിന്റെ സർക്കാരിനെ താഴെയിറക്കാൻ ശ്രമിക്കില്ലെന്നും പാർട്ടി വ്യക്തമാക്കി.