വീട്ടിൽ ഭാര്യയില്‍ നിന്ന് രക്ഷപ്പെടാന്‍ ബാങ്ക് കൊള്ളയടിച്ചയാള്‍ക്ക് ശിക്ഷ വീട്ടുതടങ്കൽ

ഇതൊരു പഴയ കഥയാണ്.ഭാര്യയില്‍ നിന്ന് രക്ഷപ്പെടുന്നതിനായി ബാങ്ക് കൊള്ളയടിച്ചയാള്‍ക്ക് ശിക്ഷയായി ലഭിച്ചത് വീട്ടുതടങ്കല്‍. 2016 സെപ്റ്റംബറിലാണ് കേസിനാസ്പദമായ സംഭവം നടന്നത്. അമേരിക്കയിലെ കാന്‍സാസ് സ്വദേശിയായ ലോറന്‍സ് ജോണ്‍ റിപ്പിളാണ് ഭാര്യയില്‍ നിന്ന് രക്ഷപ്പെടുന്നതിന് ബാങ്ക് കൊള്ളയടിച്ചത്. പിടിക്കപ്പെട്ടാല്‍ വീട്ടില്‍ നിന്ന് മാറി ജയിലില്‍ കഴിയാമെന്നാണ് ഇയാള്‍ കണക്കുകൂട്ടിയിരുന്നത്. കൃത്യത്തില്‍ കുറ്റക്കാരനെന്ന് കണ്ടെത്തിയതിനെ തുടര്‍ന്നാണ് ഇയാള്‍ക്ക് ആറ് മാസം വീട്ടുതടങ്കല്‍ ശിക്ഷയായി നല്‍കിയതെന്ന് ന്യൂയോര്‍ക്ക് പോസ്റ്റ് റിപ്പോര്‍ട്ട് ചെയ്തു. 2017 ജനുവരിയില്‍ ലോറന്‍സ് കുറ്റസമ്മതം നടത്തി. തനിക്ക് ഒരു ഹൃദയ ശസ്ത്രക്രിയ കഴിഞ്ഞുവെന്നും ഇത് തന്നെ വിഷാദത്തിലേക്ക് തള്ളിവിട്ടെന്നും ലോറന്‍സ് പറഞ്ഞു.