തീർത്ഥാടനത്തിനു പോകുംവഴി പീഡിപ്പിച്ചു; കൊലക്കേസ് പ്രതിയായ 35 കാരിയുടെ പരാതിയിൽ 22 കാരനെതിരെ കേസ്

2025 നവംബര്‍ 21ന് ആണ് കേസിനാസ്പദമായ സംഭവം. മകന്റെ സുഹൃത്തായ യുവാവിനൊപ്പം കോഴിക്കോട്ടേയ്ക്ക് പോയതായിരുന്നു യുവതി. അന്ന് കോഴിക്കോട്ടെ ഒരു ലോഡ്ജിലാണ് ഇരുവരും താമസിച്ചത്. അവിടെ വച്ച്‌ യുവാവ് ബലാത്സംഗം ചെയ്യുകയും ദൃശ്യങ്ങള്‍ മൊബൈൽ ഫോണിൽ പകര്‍ത്തുകയും ചെയ്തു.

പിന്നീട് രണ്ടു ലക്ഷം രൂപ നല്‍കിയില്ലെങ്കില്‍ ദൃശ്യങ്ങള്‍ ഭര്‍ത്താവിന് അയച്ചു കൊടുക്കുമെന്ന് ഭീഷണിപ്പെടുത്തുകയായിരുന്നുവെന്നും തുടര്‍ന്നാണ് പോലീസില്‍ പരാതി നല്‍കിയതെന്നും യുവതി പറയുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.

സംസ്ഥാനത്തെ നടുക്കിയ പ്രവാസിയുടെ കൊലപാതക കേസിലെ നാലുപ്രതികളിലൊരാളാണ് പരാതിക്കാരി. കണ്ണൂർ, കാസർഗോഡ് ജില്ലകളുമായി ബന്ധപ്പെട്ട് കൂടോത്രവും മറ്റുമായി നടന്ന സംഘമാണ് കൊലപാതകം നടത്തിയത്. 2023 ഏപ്രില്‍ 14നാണ് പ്രവാസിയെ വീട്ടിനുള്ളിൽ മരിച്ച നിലയിൽ കണ്ടെത്തിയത്. തുടർന്ന് 20 മാസത്തിനുശേഷം 2024 ഡിസംബറിലാണ് പ്രതികളെ പിടികൂടിയത്.

Summary: The Melparamba Police in Kasaragod have registered a case against a 22-year-old man following a complaint of rape and blackmail filed by a 35-year-old woman. Interestingly, the complainant is herself an accused in a high-profile murder case of an NRI.