ബംഗ്ലാദേശിൽ താരിഖ് റഹ്മാന്റെ സത്യപ്രതിജ്ഞാ ചടങ്ങിൽ സ്പീക്കർ ഓം ബിർള; പ്രധാനമന്ത്രി മോദിയുടെ ക്ഷണം കൈമാറി

Published by:Rajesh V
news18-malayalam

Last Updated:Feb 17, 2026 8:46 PM IST

ധാക്കയിൽ നടന്ന താരിഖ് റഹ്മാന്റെ സത്യപ്രതിജ്ഞാ ചടങ്ങിൽ ഓം ബിർള ഇന്ത്യയെ പ്രതിനിധീകരിച്ച് പങ്കെടുത്തു. പ്രധാനമന്ത്രി നരേന്ദ്ര മോദിയുടെ ഇന്ത്യയിലേക്കുള്ള ഔദ്യോഗിക ക്ഷണം അദ്ദേഹം കൈമാറുകയും മാലദ്വീപ്, ഭൂട്ടാൻ നേതാക്കളുമായി പ്രാദേശിക സഹകരണത്തെക്കുറിച്ച് ചർച്ച നടത്തുകയും ചെയ്തു

ബംഗ്ലാദേശ് പ്രധാനമന്ത്രിയായി ചുമതലയേറ്റ താരിഖ് റഹ്മാന്റെ സത്യപ്രതിജ്ഞാ ചടങ്ങിൽ ഇന്ത്യൻ പ്രതിനിധിയായി ലോക്‌സഭാ സ്പീക്കർ ഓം ബിർള പങ്കെടുത്തു. പ്രധാനമന്ത്രി നരേന്ദ്ര മോദി അയച്ച ഔദ്യോഗിക ക്ഷണക്കത്ത് അദ്ദേഹം താരിഖ് റഹ്മാന് കൈമാറി.

ഇന്ത്യൻ സർക്കാരിന്റെ പ്രത്യേക ദൂതനായാണ് ബിർള ധാക്കയിലെ ചടങ്ങിൽ എത്തിയത്. പ്രധാനമന്ത്രി പദവി ഏറ്റെടുത്ത റഹ്മാന് നരേന്ദ്ര മോദിയുടെ ആശംസകൾ അദ്ദേഹം അറിയിച്ചു. ജനാധിപത്യപരവും പുരോഗമനപരവുമായ ഒരു രാജ്യം കെട്ടിപ്പടുക്കാനുള്ള ബംഗ്ലാദേശിന്റെ ശ്രമങ്ങൾക്ക് ഇന്ത്യയുടെ പൂർണ പിന്തുണ ബിർള ഉറപ്പുനൽകി. സൗകര്യപ്രദമായ സമയത്ത് ഇന്ത്യ സന്ദർശിക്കണമെന്ന മോദിയുടെ കത്തും അദ്ദേഹം കൈമാറി.

Just concluded a constructive meeting with Prime Minister of Bangladesh @trahmanbnp

I handed over a personal letter from Prime Minister @narendramodi conveying his wishes to PM Rahman and inviting him to visit India at the earliest convenience.

I extended warm congratulations… pic.twitter.com/gFNqLmnxsT

— Om Birla (@ombirlakota) February 17, 2026

"ബംഗ്ലാദേശ് പ്രധാനമന്ത്രി താരിഖ് റഹ്മാനുമായി ക്രിയാത്മകമായ കൂടിക്കാഴ്ച നടത്തി. പ്രധാനമന്ത്രി നരേന്ദ്ര മോദിയുടെ ആശംസകളും ഇന്ത്യ സന്ദർശിക്കാനുള്ള ക്ഷണവും അടങ്ങിയ കത്ത് അദ്ദേഹത്തിന് കൈമാറി," കൂടിക്കാഴ്ചയുടെ ചിത്രങ്ങൾ പങ്കുവെച്ചുകൊണ്ട് ഓം ബിർള എക്‌സിൽ കുറിച്ചു. അയൽരാജ്യങ്ങൾ തമ്മിലുള്ള ശാശ്വതമായ പങ്കാളിത്തം ആഴത്തിലാക്കാനുള്ള ഇന്ത്യയുടെ പ്രതിബദ്ധത അദ്ദേഹം ആവർത്തിച്ചു.

ചരിത്രപരവും സാംസ്‌കാരികവുമായ അടുത്ത ബന്ധമാണ് ഇന്ത്യയും ബംഗ്ലാദേശും തമ്മിലുള്ളത്. ചടങ്ങിനിടെ മാലദ്വീപ് പ്രസിഡന്റ്, ഭൂട്ടാൻ പ്രധാനമന്ത്രി എന്നിവരുമായും ബിർള കൂടിക്കാഴ്ച നടത്തി. പ്രാദേശിക സഹകരണം ഉൾപ്പെടെയുള്ള വിവിധ വിഷയങ്ങൾ അവർ ചർച്ച ചെയ്തു.

Summary: Lok Sabha Speaker Om Birla, acting as India’s special envoy, attended the swearing-in ceremony of Tarique Rahman as the Prime Minister of Bangladesh in Dhaka on February 17, 2026. Birla delivered a personal letter from Prime Minister Narendra Modi, congratulating Rahman and inviting him for an official visit to India.