നേപ്പാളിലും ബംഗ്ലാദേശ് ? മന്ത്രിമാർ രാജിവെച്ചു; നാടുവിട്ടെന്ന അഭ്യൂഹങ്ങൾ‌ക്കിടെ സർവകക്ഷിയോഗം വിളിച്ച് പ്രധാനമന്ത്രി

കാഠ്മണ്ഡു: സോഷ്യൽ മീഡിയ വിലക്ക് പിൻവലിച്ചിട്ടും നേപ്പാളിലെ ജെൻ സി പ്രക്ഷോഭം ആളിക്കത്തുന്നു. യുവാക്കളുടെ പ്രക്ഷോഭത്തിൽ ആടി ഉലയുന്ന കെ പി ശർമ ഒലി സർക്കാരിൽ നിന്ന് നാലു മന്ത്രിമാർ രാജിവച്ചതായാണ് റിപ്പോർട്ട്. പ്രധാനമന്ത്രി ശർമ ഒലി നാടുവിട്ടുവെന്ന അഭ്യൂഹങ്ങളും പ്രചരിച്ചു. ഇതിന് പിന്നാലെ പ്രധാനമന്ത്രി സർവകക്ഷി യോഗം വിളിച്ചു. വാർത്ത വിനിമയ മന്ത്രിയുടെ വീടിന് പ്രക്ഷോഭകർ തീയിട്ടു. കാഠ്മണ്ഡുവിൽ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചിട്ടുണ്ട്. നേപ്പാളിലെ ഇന്ത്യക്കാർ ജാഗ്രത പാലിക്കണമെന്ന് വിദേശകാര്യമന്ത്രാലയം. ബംഗ്ലാദേശിലുണ്ടായ പ്രക്ഷോഭത്തിന് സമാനമാണ് നേപ്പാളിലേതെന്നും റിപ്പോർട്ടുകൾ‌ പറയുന്നു.