സ്ഥലവും സമയവും കുറിച്ച് പാകിസ്ഥാൻ ഇന്ത്യയ്ക്ക് തിരിച്ചടി നൽകുമെന്ന് പാക് വിദേശകാര്യമന്ത്രി
Last Updated:
സ്ഥലവും സമയവും കുറിച്ച് പാകിസ്ഥാൻ ഇന്ത്യയ്ക്ക് മറുപടി നൽകുമെന്ന് പാകിസ്ഥാൻ വിദേശകാര്യമന്ത്രി ഷാ മഹമൂദ് ഖുറേഷി.
ഇസ്ലാമബാദ്: സ്ഥലവും സമയവും കുറിച്ച് പാകിസ്ഥാൻ ഇന്ത്യയ്ക്ക് മറുപടി നൽകുമെന്ന് പാകിസ്ഥാൻ വിദേശകാര്യമന്ത്രി ഷാ മഹമൂദ് ഖുറേഷി. ധനകാര്യമന്ത്രി ആസാദ് ഉമർ, പ്രതിരോധമന്ത്രി പർവേസ് ഖട്ടക് എന്നിവർക്കൊപ്പം നടത്തിയ സംയുക്ത വാർത്താസമ്മേളനത്തിലാണ് പാക് വിദേശകാര്യമന്ത്രി ഇങ്ങനെ പറഞ്ഞത്.
ദേശീയ സുരക്ഷാ കമ്മിറ്റിയുടെ പ്രസ്താവന വായിച്ചാണ് പാക് വിദേശകാര്യമന്ത്രി വാർത്താസമ്മേളനം ആരംഭിച്ചത്. ബാലകോട്ടിലെ അനധികൃത ഭീകരവാദി ക്യാമ്പുകൾ ആക്രമിച്ചെന്നും അവിടെ വലിയ നഷ്ടങ്ങൾ ഉണ്ടായെന്നുമുള്ള ഇന്ത്യയുടെ അവകാശവാദം ശക്തമായി തള്ളിക്കളയുകയാണെന്നും അദ്ദേഹം പറഞ്ഞു.
മേഖലയിലെ ഉത്തരവാദിത്തമില്ലാത്ത ഇന്ത്യൻ നടപടികൾക്കെതിരെ അന്താരാഷ്ട്ര നേതൃത്വത്തോട് ചേർന്ന് പ്രധാനമന്ത്രി ഇമ്രാൻ ഖാൻ പ്രവർത്തിക്കും. ജീവനും സ്വത്തിനും ഒരു നാശവും വരുത്താതെ ഇന്ത്യൻ വ്യോമാക്രമണത്തിന് തിരിച്ചടി നൽകിയ പാകിസ്ഥാൻ എയർ ഫോഴ്സിനെ അഭിനന്ദിക്കുകയാണെന്നും അദ്ദേഹം പറഞ്ഞു.
advertisement
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Feb 26, 2019 8:10 PM IST
മലയാളം വാർത്തകൾ/ വാർത്ത/World/
സ്ഥലവും സമയവും കുറിച്ച് പാകിസ്ഥാൻ ഇന്ത്യയ്ക്ക് തിരിച്ചടി നൽകുമെന്ന് പാക് വിദേശകാര്യമന്ത്രി
