മക്കയിലെ ഗ്രാൻഡ് മോസ്കിൽ ജീവനൊടുക്കാൻ ശ്രമിച്ചയാളെ സാഹസികമായി രക്ഷപെടുത്തി സുരക്ഷാ ഉദ്യോഗസ്ഥൻ

സൗദി അറേബ്യയിലെ മക്കയിലെ മസ്ജിദ് അൽ-ഹറാമിന്റെ മുകളിലത്തെ നിലയിൽ നിന്ന് ചാടി ജീവനൊടുക്കാൻ ശ്രമിച്ചയാളെ സാഹസികമായി രക്ഷപെടുത്തി സുരക്ഷാ ഉദ്യോഗസ്ഥൻ.പള്ളിയുടെ മുകളിലെത്തെ നിലയിൽ നിന്ന് താഴേക്ക് ചാടിയ ആളെ താഴെ നിന്ന സെക്യുരിറ്റി ഉദ്യോഗസ്ഥൻ അതി സാഹസികമായി പിടിക്കുകയായിരുന്നു. താഴേക്ക് പതിച്ച വ്യക്തി നിലത്ത് അടിക്കുന്നത് തടയാൻ ശ്രമിക്കുന്നതിനിടെ സുരക്ഷാ ഉദ്യോഗസ്ഥന് പരിക്കേറ്റു. ഇരുവരെയും ഉടൻ തന്നെ ആവശ്യമായ വൈദ്യസഹായത്തിനായി ആശുപത്രിയിലേക്ക് മാറ്റി. ഇരുവർക്കും ഒടിവുകൾ മാത്രമാണെന്ന് അധികൃതർ പറഞ്ഞു.