സോഷ്യല്‍ മീഡിയ അക്കൗണ്ടുകളില്‍ ഇക്കാര്യം ഉണ്ടെങ്കിൽ ഇനി അമേരിക്കൻ വിസ കിട്ടില്ല'; കാര്യം ഔദ്യോഗികമായി

''ലോകത്തിലെ തീവ്രവാദ അനുഭാവികള്‍ക്ക് അമേരിക്കയില്‍ ഇടമില്ല. അവരെ ഇവിടെ പ്രവേശിപ്പിക്കാനോ താമസിക്കാന്‍ അനുവദിക്കാനോ ഞങ്ങള്‍ക്ക് ബാധ്യതയില്ല,'' ഡിഎച്ച്എസ് പബ്ലിക് അഫയേഴ്‌സ് അസിസ്റ്റന്റ് സെക്രട്ടറി ട്രീഷ്യ മക്ലോഫ്‌ളിന്‍ പ്രസ്താനവയില്‍ വ്യക്തമാക്കി.

ട്രംപ് ഭരണകൂടം അമേരിക്കയയിലെ നൂറുകണക്കിന് അന്താരാഷ്ട്ര വിദ്യാര്‍ഥികളുടെ വിസ റദ്ദാക്കിയതുമായി ബന്ധപ്പെട്ട റിപ്പോര്‍ട്ടുകള്‍ കഴിഞ്ഞ ഏതാനും ആഴ്ചകളായി പുറത്തുവരുന്നുണ്ടായിരുന്നു. ഇതിന് പിന്നാലെയാണ് ഔദ്യോഗിക പ്രസ്താവന പുറത്തുവന്നത്. ഇതിനോടകം ഏകദേശം 300 പേരുടെ വിസ റദ്ദാക്കിയതായും ദിവസേന ഇത് ചെയ്യുന്നുണ്ടെന്നും മാര്‍ച്ചില്‍ സ്റ്റേറ്റ് സെക്രട്ടറി മാര്‍ക്കോ റൂബിയോ അറിയിച്ചിരുന്നു. യുഎസ് പൗരന്മാരല്ലാത്തവര്‍ക്ക് അമേരിക്കക്കാര്‍ക്ക് തുല്യമായ അവകാശങ്ങളില്ലെന്നും വിസ നല്‍കുന്നതും നിരസിക്കുന്നതും ജഡ്ജിമാരുടെ അധികാര പരിധിയില്‍ വരുന്ന കാര്യമല്ലെന്നും മറിച്ച് തന്റെ വിവേചനാധികാരണമാണെന്നും റൂബിയോ പറഞ്ഞതായി ടൈംസ് ഓഫ് ഇന്ത്യയുടെ റിപ്പോര്‍ട്ടില്‍ പറയുന്നു.