യുഎസ് കരസേനാ മേധാവിയോട് വിരമിക്കാൻ ആവശ്യപ്പെട്ട് പ്രതിരോധ സെക്രട്ടറി പീറ്റ് ഹെഗ്‌സെത്ത്

വാഷിംഗ്ടൺ: അമേരിക്കൻ സൈനിക തലപ്പത്ത് വലിയ രീതിയിലുള്ള വെട്ടിനിരത്തലുകൾ തുടരുന്നതിന്റെ ഭാഗമായി യുഎസ് കരസേനാ മേധാവി ജനറൽ റാൻഡി ജോർജിനോട് സ്ഥാനമൊഴിയാൻ പ്രതിരോധ സെക്രട്ടറി പീറ്റ് ഹെഗ്‌സെത്ത് ആവശ്യപ്പെട്ടു. 2027 വരെ ഔദ്യോഗിക കാലാവധി ബാക്കിയുള്ളപ്പോഴാണ് ജോർജിനോട് നിർബന്ധിതമായി നേരത്തെ വിരമിക്കാൻ നിർദ്ദേശിച്ചിരിക്കുന്നത്. ബൈഡൻ ഭരണകൂടം നിയമിച്ച ഉദ്യോഗസ്ഥരെ മാറ്റി പ്രസിഡന്റ് ഡൊണാൾഡ് ട്രംപിന്റെയും പീറ്റ് ഹെഗ്‌സെത്തിന്റെയും നയങ്ങൾക്കും കാഴ്ചപ്പാടുകൾക്കും അനുസൃതമായി പ്രവർത്തിക്കുന്നവരെ നിയമിക്കുക എന്ന ലക്ഷ്യത്തോടെയാണ് പുതിയ നീക്കം.