യുഎസ് നാടുകടത്തിയ ഇന്ത്യക്കാരുള്‍പ്പെടെയുള്ള 300 പേര്‍ പാര്‍പ്പിച്ചിരിക്കുന്ന ഹോട്ടലില്‍ നിന്ന് സഹായത്തിനായി യാചിക്കുന്ന ദൃശ്യങ്ങള്‍ പുറത്ത്

യുഎസ് നാടുകടത്തിയ ഇന്ത്യക്കാരുള്‍പ്പെടെയുള്ള 300 പേരെ പനാമയിലെ ഒരു ഹോട്ടലില്‍ തടഞ്ഞുവെച്ചിരിക്കുകയാണെന്ന് റിപ്പോർട്ട്. ഹോട്ടലില്‍ നിന്ന് സഹായം അഭ്യര്‍ത്ഥിച്ച് ഇവര്‍ യാചിക്കുന്ന ദൃശ്യങ്ങള്‍ പുറത്തുവന്നു. അമേരിക്കന്‍ പ്രസിഡന്റായി ഡൊണാള്‍ഡ് ട്രംപ് അധികാരത്തില്‍ വന്നതിന് പിന്നാലെയാണ് അനധികൃതമായി കുടിയേറിയവരെ രാജ്യത്തുനിന്ന് പുറത്താക്കുന്നതിനുള്ള നടപടി ആരംഭിച്ചത്. നാടുകടത്തിയവരെ അവരുടെ രാജ്യത്തേക്ക് മടങ്ങിപ്പോകാന്‍ അന്താരാഷ്ട്ര അധികാരികള്‍ അനുമതി നല്‍കാത്തതിനാല്‍ പനാമ സര്‍ക്കാര്‍ അവരെ വിട്ടയ്ക്കാന്‍ അനുവദിച്ചിട്ടില്ല.