'വീ​ഗൻ' എന്നവകാശപ്പെട്ട ഇറ്റാലിയൻ വിഭവം കഴിച്ച യുവതിക്ക് ദാരുണാന്ത്യം; പേസ്ട്രി കമ്പനിക്കെതിരെ അന്വേഷണം

പാലുത്പന്നങ്ങൾ അലർജിയുള്ള 20 കാരി ഇറ്റാലിയൻ വിഭവമായ ടിറാമിസു (tiramisu) കഴിച്ച് മരിച്ചതായി റിപ്പോർട്ട്. വീഗൻ (vegan) എന്ന് കണ്ടതിനാലാണ് യുവതി ഈ വിഭവം കഴിച്ചതെന്നും ന്യൂയോർക്ക് പോസ്റ്റിന്റെ റിപ്പോർട്ട് സൂചിപ്പിക്കുന്നു. അന്ന ബെല്ലിസാരിയോ എന്ന യുവതിയാണ് മരിച്ചത്. കഴിഞ്ഞ വർഷമാണ് സംഭവം നടന്നത് എന്നും ന്യൂയോർക്ക് പോസ്റ്റിന്റെ റിപ്പോർട്ടിൽ പറയുന്നു. ഈ ഭക്ഷണം ഉണ്ടാക്കിയ പേസ്ട്രി കമ്പനിക്കെതിരെ കടുത്ത വിമർശനങ്ങളാണ് ഉയരുന്നത്. കമ്പനിക്കെതിരെ അധികൃതർ നടപടിയും സ്വീകരിച്ചിട്ടുണ്ട്.