'കൂട്ടായി ഇനി പുതിയൊരാൾ'; പുതിയ അതിഥിയെ പരിചയപ്പെടുത്തി അഭയ ഹിരൺമയി

മലയാളികൾക്ക് എന്നും സുപരിചിതയാണ് ഗായിക അഭയ ഹിരണ്മയി (Abhaya Hiranmayi). ചലച്ചിത്ര പിന്നണിഗായിക, മോഡല്‍ തുടങ്ങി വിവിധ മേഖലകളിലൂടെ എത്തിയ താരം എന്നും വാർത്തകളിൽ ഇടം നേടാറുണ്ട്.

ഗായികയുടെ പാട്ടുകളെയും കുടുംബത്തെയുമെല്ലാം പ്രേക്ഷകർക്ക് പരിചയമുണ്ട്. സോഷ്യൽ മീഡിയയിലും താരം വളരെ സജീവമാണ്. എല്ലാ വിശേഷങ്ങളും ആരാധകരുമായി താരം പങ്കുവയ്ക്കാറുണ്ട്.

വിവിധതരം ഫോട്ടോഷൂട്ടുകളിൽ എത്തി താരം ശ്രദ്ധ നേടാറുണ്ട്. ഇപ്പോഴിതാ പുതിയ അതിഥിയെ പരിചയപ്പെടുത്തി എത്തിയിരിക്കുകയാണ് താരം. തന്റെ യാത്രയ്ക്ക് കൂട്ടായി പുതിയ വാഹനം സ്വന്തമാക്കിയിരിക്കുകയാണ്.

ഫോക്‌സ്‌വാഗണിന്റെ മിഡ്-സൈസ് എസ്.യു.വി. മോഡലായ ടൈഗൂണാണ് അഭയ തന്റെ യാത്രകള്‍ക്ക് കൂട്ടായി തിരഞ്ഞെടുത്ത വാഹനം.

കൊച്ചിയിലെ ഫോക്‌സ്‌വാഗണ്‍ വിതരണക്കാരായ ഇ.വി.എം. ഫോക്‌സ്‌വാഗണില്‍ നിന്നാണ് അഭയ ഹിരണ്‍മയി തന്റെ പുതിയ വാഹനത്തെ സ്വന്തമാക്കിയത്.

സന്തോഷകരമായ ഡ്രൈവിങ്ങ് അനുഭവം നേര്‍ന്ന് അഭയ വാഹനം സ്വന്തമാക്കുന്നതിന്റെ വീഡിയോയും ഇ.വി.എം ഫോക്‌സ്‌വാഗണ്‍ സാമൂഹിക മാധ്യമങ്ങളില്‍ പങ്കുവെച്ചിട്ടുണ്ട്.

ടൈഗൂണിന്റെ ഉയര്‍ന്ന വകഭേദങ്ങളിലൊന്നായ ഹൈലൈനിന്റെ 1.0 ലിറ്റര്‍ എന്‍ജിന്‍ ഓട്ടോമാറ്റിക് മോഡലാണ് അഭയ തിരഞ്ഞെടുത്തിരിക്കുന്നത്. 15.28 ലക്ഷം രൂപയാണ് ഈ എസ്.യു.വിയുടെ എക്‌സ്‌ഷോറൂം വില.