Abhaya Hiranmayi | സർപ്രൈസ്; പുതിയ ടാറ്റൂ പതിപ്പിച്ച് അഭയ ഹിരണ്മയി; ശേഷം മനോഹരമായ ഫോട്ടോഷൂട്ടും

പ്രേക്ഷകർക്ക് പരിചിതയായ ഗായികയാണ് അഭയ ഹിരണ്മയി (Abhaya Hiranmayi). പാട്ടിനും പുറത്ത് ഒട്ടേറെ ഇഷ്‌ടങ്ങളില്ല വ്യക്തി കൂടിയാണ് അഭയ. ഫാഷൻ അതിൽ സുപ്രധാനമാണ്. വീട്ടിൽ ആണെങ്കിൽ പോലും എപ്പോഴും റെഡി ആയി വേണം നിൽക്കാൻ എന്ന് നിർബന്ധമുള്ളയാളാണ് അഭയ. ട്രെൻഡുകളിൽ ഏറ്റവും പുതിയത് എന്ത് എന്നറിയണമെങ്കിൽ ഇങ്ങോട്ടു നോക്കിയാൽ മതി

കുറച്ചു ദിവസങ്ങൾക്ക് മുൻപായിരുന്നു അഭയ ഹിരണ്മയിയുടെ ജന്മദിനം. പിറന്നാൾ സ്പെഷലായി അഭയ ആഘോഷം നടത്തി എന്നതിനുപരി ഒരു കാര്യം കൂടി ചെയ്തിട്ടുണ്ട്. ഒരു പുതിയ കവർ അപ്പ് ടാറ്റൂ കൂടി പതിപ്പിച്ചു. പതിപ്പിക്കുന്ന ദൃശ്യം മുതൽ, അതും കൊണ്ടുള്ള ഒരു ഫോട്ടോഷൂട്ടും അഭയ ഹിരണ്മയി നടത്തി (തുടർന്ന് വായിക്കുക)

അഭയയുടെ തോളത്തായി ഇപ്പോഴൊരു ചിറകടിച്ചു പറക്കുന്ന ചിത്രശലഭമുണ്ട്. നേരത്തെയുള്ള മറ്റൊരു ടാറ്റൂ കൂടാതെയാണ് അഭയ അതിനടുത്തായി ഇങ്ങനെയൊരെണ്ണം കൂടി പുതുതായി പതിപ്പിച്ചെടുത്തത്

അതിനു ശേഷം പ്രകൃതി രമണീയമായ സ്ഥലത്ത് ഈ ടാറ്റൂ കാണും വിധം ഒരു ഫോട്ടോഷൂട്ടും നടത്തി. തൂവെള്ള നിറമുള്ള ഗൗണിൽ ചുവന്ന റോസാ പുഷ്പങ്ങൾ പൂത്തപോലുള്ള ഭംഗിയുള്ള ഈ വസ്ത്രത്തിൽ പുത്തൻ ടാറ്റൂ ഭംഗിയായി കാണാം

ഇത്തവണ കൂട്ടുകാർക്കും കുടുംബത്തിനുമൊപ്പമാണ് തന്റെ പിറന്നാൾ ആഘോഷമെന്ന് അഭയ നേരത്തെ പറഞ്ഞിരുന്നു. ഇതിനു പുറമെ അഭയ ഒരു യാത്രയും കൂടി നടത്തിയിരുന്നു. അതിന്റെ വിശേഷങ്ങളും ഗായിക പങ്കുവച്ചു

വയനാട്ടിലേക്കായിരുന്നു അഭയയുടെ യാത്ര. ട്രെക്കിങ്ങ് ഈ യാത്രയുടെ ഭാഗമായിരുന്നു. ഇവിടെ വച്ചും ഒരു ഫോട്ടോഷൂട്ട് നടത്തിയിരുന്നു

കുറച്ചു നാൾ മുൻപ് അഭയ ഹിരണ്മയിയുടെ വസ്ത്രധാരധാരണത്തെ ചൊല്ലി ഒരാൾ അധിക്ഷേപം നടത്തിയിരുന്നു. ഇതിന് തന്റെ മോഡേൺ ലുക്കിലെ ചിത്രങ്ങൾ പോസ്റ്റ് ചെയ്താണ് അഭയ മറുപടി നൽകിയത്