Malootty | മാളൂട്ടിയിൽ ജയറാം, ഉർവശിമാരുടെ മകളായ കൈക്കുഞ്ഞ് ഇന്ന് അറിയപ്പെടുന്ന ഗായിക

'മാളൂട്ടി' (Malootty) എന്ന മലയാള സിനിമ ഒരുകാലത്ത് കൊച്ചുകുട്ടികൾക്കും മുതിർന്നവർക്കും ഒരുപോലെ പ്രിയങ്കരമായിരുന്നു. ഇന്നും ഈ ചിത്രത്തിന്റെ ഫാൻസിന്റെ കാര്യത്തിൽ തർക്കമില്ല. ഭരതൻ സംവിധാനം ചെയ്ത് 1990ൽ റിലീസ് ചെയ്ത സിനിമയിൽ ജയറാം, ഉർവശി, ബേബി ശ്യാമിലി, കെ.പി.എ.സി. ലളിത, നെടുമുടി വേണു തുടങ്ങിയവർ പ്രധാന വേഷങ്ങളിൽ അഭിനയിച്ചു

ഇതിൽ ജയറാം, ഉർവശി ദമ്പതികളുടെ മകളായി സിനിമയിലുടനീളം വേഷമിട്ട് കയ്യടി വാങ്ങിയ പ്രകടനമായിരുന്നു ബേബി ശ്യാമിലിയുടേത്. എന്നാൽ ശ്യാമിലിയുടെ കൈക്കുഞ്ഞായിരുന്ന കാലം ചെയ്തത് മറ്റൊരാളാണ്. മൗനത്തിൻ ഇടനാഴിയിൽ ഒരു ജാലകം... എന്ന ഗാനരംഗത്തിൽ ഈ കുഞ്ഞുവാവയെ കാണാം. ആ കുഞ്ഞ് നിങ്ങൾക്കറിയാവുന്ന ഒരു ഗായികയാണെന്നു മനസിലായിരുന്നോ? (തുടർന്ന് വായിക്കുക)

ഇതാണ് കുഞ്ഞിന്റെ യഥാർത്ഥ അച്ഛനും അമ്മയും കൂടിയുള്ള കുടുംബ ചിത്രം. പോരാത്തതിന് മാമനും സിനിമാ ലോകത്തുള്ള ആൾ തന്നെ. ഇത് താനാണെന്ന് ആ 'കുഞ്ഞ്' ഇപ്പോൾ സമ്മതിച്ചിരിക്കുന്നു

'സിനിഫൈൽ' എന്ന ഗ്രൂപ്പിൽ വന്ന പോസ്റ്റിന്റെ സ്ക്രീൻഷോട്ട് സഹിതം, ഇത് താനാണെന്ന് ഗായിക അഭയ ഹിരണ്മയി പറഞ്ഞു കഴിഞ്ഞു. എങ്ങനെയാണ് ഈ സിനിമയുടെ ഭാഗമായത് എന്ന് അഭയ പിന്നീടെപ്പോഴെങ്കിലും പറയുന്നത് വരെ കാത്തിരിക്കാം

സിനിമയിലെ പിന്നണി ഗായിക എന്നതിലുപരി, അഭിനയത്തിലും അഭയ ഒന്ന് കൈവച്ചിരുന്നു. മഞ്ജു വാര്യർ, ബിജു മേനോൻ എന്നിവർ അഭിനയിച്ച 'ലളിതം സുന്ദരം' സിനിമയിൽ റിയാലിറ്റി ഷോ ജഡ്ജിന്റെ വേഷമായിരുന്നു അഭയക്ക്. ഹിരണ്മയി എന്ന പേരിൽ തന്നെയാണ് വേഷമിട്ടതും

നടൻ കൊച്ചുപ്രേമന്റെ സഹോദരീ പുത്രിയാണ് അഭയ. തന്നെ ഏറെ ഇഷ്‌ടമുള്ള അമ്മാവനായിരുന്നു കൊച്ചുപ്രേമൻ എന്ന് അഭയ വെളിപ്പെടുത്തിയിട്ടുണ്ട്

സംഗീത കുലപതി ശെമ്മാങ്കുടി ശ്രീനിവാസ അയ്യർക്കൊപ്പം അഭയ ഹിരണ്മയിയും അമ്മയും