വിളിക്കണ്ട, ഞാൻ വരൂല; ഞാനീ ആനിയമ്മയുടെ കയ്യിലിരുന്നോളാം; ആനിയുടെ കയ്യിലിരിക്കുന്ന ഓമനക്കുഞ്ഞിന്റെ മുഖവുമായി വിജയ് മാധവ്

ആനിയമ്മയെ കണ്ടതും ഇനി ആരു വിളിച്ചാലും വരാൻ തയ്യാറാവാതെ ഒരാൾ ആ ഒക്കത്ത് തന്നെ ഇരിപ്പാണ്. മൊത്തത്തിൽ കക്ഷി ഹാപ്പി. സ്വന്തം അമ്മ തന്നെ മുന്നിൽ വന്നു നിന്നിട്ടു പോലും, പിണക്കമോ, തിരിച്ച്‌ അമ്മയുടെ കയ്യിൽ കേറാനുള്ള ആഗ്രഹമോ ഒന്നും ആള് പ്രകടിപ്പിക്കുന്നില്ല. സുരേഷ് ഗോപിയുടെ പുത്രിയുടെ വിവാഹ റീസെപ്‌ഷനിലാണ് ആനി ഷാജി കൈലാസിനെ (Annie Shaji Kailas) കണ്ട കുഞ്ഞുവാവ നിലത്തിറങ്ങാതെ നിൽപ്പായത്

ആളെ നിങ്ങൾക്കറിയാം എന്ന് മാത്രമല്ല, നല്ല പരിചയവുമുണ്ട്. പിറക്കും മുൻപേ ഇദ്ദേഹം അമ്മയുടെ വയറ്റിൽ കിടന്ന് ശുദ്ധ സംഗീതം കേൾക്കുന്ന കാഴ്ച മുതൽ നിങ്ങൾ കണ്ടുതുടങ്ങിയതാണ്. പിറന്നു അധികനാൾ തികയും മുൻപേ സോഷ്യൽ മീഡിയയിൽ മുഖം കാണിക്കുകയും ചെയ്തിട്ടുണ്ട്. ക്ലൂ ഒന്നും വേണ്ടല്ലോ, ഇതാരെന്നു പറയാൻ (തുടർന്ന് വായിക്കുക)

ആത്മജഃ മഹാദേവ് എന്ന് പറഞ്ഞാൽ മാത്രം മതി. ഗായകൻ വിജയ് മാധവിന്റെയും 'നായിക' ദേവിക നമ്പ്യാരുടെയും ഏക മകനാണ് ആത്മജഃ അടുത്തിടെ സുരേഷ് ഗോപിയുടെ കയ്യിൽ ഇരുന്നും കുഞ്ഞി ആത്മജഃ കൊഞ്ചുന്ന ദൃശ്യങ്ങൾ അച്ഛൻ പോസ്റ്റ് ചെയ്തിരുന്നു

അതുമാത്രമല്ല, അച്ഛന്റെയും അമ്മയുടെയും ഒപ്പം റെക്കോർഡിങ് സ്റ്റുഡിയോയിൽ വെറുതെ കാഴ്ചക്കാരനായി പോയി തുടങ്ങിയ ആത്മജഃ തന്നാലാവും വിധം ശബ്ദങ്ങൾ ഒക്കെ പുറത്തെടുത്ത് പാടാനും ആരംഭിച്ചിട്ടുണ്ട്. ആ വിശേഷവും വിജയ് മാധവ് പങ്കിടുകയുണ്ടായി

വിജയ് മാധവിന്റെ ഫേസ്ബുക്ക് പേജിലാണ് ഭാര്യയുടെയും മകന്റെയും വിശേഷങ്ങൾ ലോകം അറിയുന്നത്. മുത്തശ്ശിമാരായി മാറിയ അവരുടെ അമ്മമാരും ഈ വീഡിയോസിൽ ഇടയ്ക്കിടെ തലകാണിക്കും

അടുത്ത മാസം ആത്മജഃ ഒന്നാം പിറന്നാൾ ആഘോഷിക്കും. 2023ൽ ആറ്റുകാൽ പൊങ്കാല നടക്കുന്ന സമയത്താണ് ആത്മജഃ മഹാദേവിന്റെ ജനനം

കുഞ്ഞിന് വ്യത്യസ്തമായ പേരിട്ടതിന്റെ പേരിൽ ട്രോൾ ഇറങ്ങിയ സാഹചര്യത്തിൽ വിജയ് മാധവും ദേവികയും തിരുവനന്തപുരത്ത് കലാപഠനത്തിനായി മകന്റെ പേരിൽ ഒരു സ്കൂൾ ആരംഭിക്കുകയുണ്ടായി. ആത്മജഃ സെന്റർ എന്നാണ് ഈ സ്കൂളിന്റെ പേര്