Actor Bala | കൂട്ടിന് ഒരാളുകൂടി എത്തിയിട്ടുണ്ടേ ! കുടുംബത്തിലെ പുതിയ അതിഥിയെ പരിചയപ്പെടുത്തി ബാല

മലയാളികള്‍ക്ക് ഏറെ പ്രിയപ്പെട്ട താരമാണ് നടന്‍ ബാല. തമിഴിലൂടെ ആണ് സിനിമാലോകത്ത് എത്തിയതെങ്കിലും മലയാളത്തില്‍ ചെയ്തുവെച്ച റോളുകളെല്ലാം ബാലയെ പ്രേക്ഷകനോട് ചേര്‍ത്ത് നിര്‍ത്തുന്നു.

സിനിമയില്‍ മാത്രമല്ല ജീവിതത്തിലും ഉണ്ടാകുന്ന ഉയര്‍ച്ച താഴ്ചകളും പ്രശ്നങ്ങളും പ്രതിസന്ധകളുമെല്ലാം ആരാധകരോട് സോഷ്യല്‍ മീഡിയ വഴി പങ്കുവെക്കാറുണ്ട് ബാല.

ഭാര്യ എലിസബത്ത് ഉദയനും ബാലക്കൊപ്പം പലപ്പോഴും സോഷ്യല്‍ മീഡിയയില്‍ സജീവമാണ്.

അടുത്തകാലത്ത് അസുഖ ബാധിതനായി ആശുപത്രിയില്‍ കഴിഞ്ഞപ്പോള്‍ പ്രേക്ഷകര്‍ തനിക്ക് വലിയ പിന്തുണയാണ് നല്‍കിയതെന്ന് ബാല പറഞ്ഞു.

ഇപ്പോഴിതാ തന്‍റെ ലൈഫിലെ മറ്റൊരു സന്തോകരമായ നിമിഷം പ്രേക്ഷകരോട് പങ്കുവെക്കാനും ബാല മറന്നില്ല.

പ്രമുഖ വാഹന നിര്‍മ്മാതാക്കളായ ലെക്സസിന്‍റെ എന്‍എക്സ് 300 എന്ന പുതിയ കാര്‍ സ്വന്തമാക്കിയ വിവരമാണ് ബാല സോഷ്യല്‍ മീഡിയ വഴി പുറത്തുവിട്ടത്.

വെള്ളിയാഴ്ച ഷോറുമില്‍ നിന്ന് KL 55 Y 3333 എന്ന നമ്പറിലുള്ള ലെക്സസ് എന്‍എക്സ് 300 വൈറ്റ് കാര്‍ സ്വന്തമാക്കിയെന്നും ഐശ്വര്യമായി വാഹന പൂജ നടത്തിയെന്നും ബാല വിഡിയോയില്‍ പറഞ്ഞു.

പൊല്യൂഷന്‍ ഫ്രീയായ ഈ വാഹനം ഈസി ​ഗോ ഈസി കം ആണെന്നും  അതുകൊണ്ടാണ് ഇപ്പോൾ പല സംവിധായകരും നടന്മാരും  ലെക്സസ് കാർ ചൂസ് ചെയ്യുന്നതെന്നും ബാല പറഞ്ഞു.

വണ്ടിയുടെ നമ്പറാണ് തനിക്ക് ഏറ്റവും ഇഷ്ടമായത്. ഇനി എവിടെ 3333 കണ്ടാലും താനുണ്ടോ എന്ന് നോക്കണമെന്നും ബാല പറഞ്ഞു.

'ഞാന്‍ അങ്ങോട്ട് കുറെ സ്നേഹിക്കുന്ന കുറച്ചുപേരുണ്ട് അവരും കൂടി എന്നോടൊപ്പം ഈ യാത്രയില്‍ വരണം എന്നാണ് ആഗ്രഹം' - ബാല പറഞ്ഞു.