Urvashi | അമ്മയോളം വളർന്ന, അമ്മയെപ്പോൽ സുന്ദരി കുഞ്ഞാറ്റ ഉർവശിക്കൊപ്പം

ദാവണിക്കാരിയായി മലയാള സിനിമയിൽ പ്രേക്ഷകർ കണ്ടു തുടങ്ങിയ ഉർവശി ഇന്ന് ദാവണി പ്രായത്തിലെ മകളുടെയും സ്കൂൾ വിദ്യാർത്ഥിയായ മകന്റെയും അമ്മയാണ്. കുറച്ചു ദിവസങ്ങൾക്ക് മുൻപ് ഉർവശി ഇൻസ്റ്റഗ്രാമിൽ ഔദ്യോഗിക അക്കൗണ്ട് തുറന്നത് എങ്ങും വാർത്തയായി മാറിയിരുന്നു. ഉർവശി ശിവപ്രസാദ് എന്നാണ് അക്കൗണ്ടിന് പേര് നൽകിയിട്ടുള്ളത്. ആദ്യ പോസ്റ്റ് ഭർത്താവ് ശിവകുമാറിനും മകനുമൊപ്പമായിരുന്നു

മകൾ തേജാലക്ഷ്മി എന്ന കുഞ്ഞാറ്റയും ഈ പ്ലാറ്റ്‌ഫോമിൽ സജീവമാണ്. അമ്മ അക്കൗണ്ട് തുടങ്ങിയതും, തേജ അതിലെ നിറസാന്നിധ്യമായി മാറി. അമ്മയും മകളും പരസ്പരം ഫോളോ ചെയ്യുന്നുമുണ്ട് (തുടർന്ന് വായിക്കുക)

ഉർവശിയും തേജാലക്ഷ്മിയും ഇരുവരും ഒന്നിച്ചുള്ള ചില ചിത്രങ്ങൾ ഇൻസ്റ്റഗ്രാം സ്റ്റോറിയിൽ പോസ്റ്റ് ചെയ്തു കഴിഞ്ഞു. അമ്മയ്‌ക്കൊപ്പം പോസ് ചെയ്യുന്ന തേജയെ ഇവിടെ കാണാം

മറ്റൊരു ഫോട്ടോയിൽ നിങ്ങൾ കാണുന്നത് തേജയും അനുജൻ ഇഷാൻ പ്രജാപതിയും അമ്മയുടെ ഒപ്പം ഇരിക്കുന്നതാണ്. ചേച്ചിയും അനുജനും നല്ല കൂട്ടുകാരാണ് എന്നൊരിക്കൽ ഉർവശിയുടെ ഒരു അഭിമുഖത്തിൽ രേഖപ്പെടുത്തിയിരുന്നു. കല്പനയുടെ മകൾ ശ്രീമയി കൂടി ചേർന്നാൽ അവർ മികച്ച ടീം ആണത്രേ. ഇഷാന്റെ പേരിടീൽ ചടങ്ങിലും കുഞ്ഞാറ്റ തിളങ്ങിയിരുന്നു

2013 നവംബർ മാസത്തിലാണ് ഉർവശിയും ശിവപ്രസാദും ജീവിതത്തിൽ ഒന്നിച്ചത്. തൊട്ടടുത്ത വർഷം ഇഷാൻ പിറന്നു. എട്ടര വയസുകാരനാണ് ഇഷാൻ

കുഞ്ഞാറ്റ തന്റെ നിലയിൽ തന്നെ ഫേമസ് ആയ താരപുത്രിയാണ്. ടിക്ടോക് സജീവമായിരുന്ന നാളുകളിൽ കുഞ്ഞാറ്റ വീഡിയോകളുമായി എപ്പോഴും കാണുമായിരുന്നു. അമ്മയുടെയും വല്യമ്മ കല്പനയുടെയും ഡയലോഗുകൾ പുഷ്പം പോലെ പറഞ്ഞ് കുഞ്ഞാറ്റ ഫോളോവേഴ്‌സിനെ നേടിയെടുത്തിട്ടുണ്ട്

'അച്ചുവിന്റെ അമ്മയിലൂടെ' അഭിനയജീവിതത്തിലേക്ക് മടങ്ങിവന്ന ഉർവശി ഇപ്പോൾ സിനിമയിലെ സജീവ സാന്നിധ്യമാണ്. അമ്മ വേഷങ്ങളാണ് കൂടുതലും. അനായാസമായി കോമഡി ചെയ്യാൻ ഉർവശിക്ക് തന്റേതായ ഒരു സ്റ്റൈൽ ഉണ്ട്. അടുത്തിടെ റിലീസ് ചെയ്ത 'ചാൾസ് എന്റർപ്രൈസസ്' ആണ് ഏറ്റവും പുതിയ ചിത്രം