Amala Paul | 'ശരിക്കും ഹോട്ട് ആണോ'? ഭർത്താവിനൊപ്പമുള്ള അമല പോളിന്റെ പുതിയ പോസ്റ്റിനു താഴെ കമന്റുകളുടെ പ്രവാഹം

ഗർഭകാലം ആസ്വാദിക്കുകയാണ് പ്രിയ താരം അമല പോൾ. ഇതിനു പിന്നാലെ താരം വളരെ സന്തോഷവതിയാണ്. സോഷ്യൽ മീഡിയയിൽ ആക്ടിവായ താരം ഓരോ വിശേഷവും ആരാധകരുമായി പങ്കുവയ്ക്കാറുണ്ട്.

ഭര്‍ത്താവിനൊപ്പം ഗര്‍ഭകാലം ആഘോഷിക്കുന്ന അമല പോളിന്റെ സോഷ്യൽ മീഡിയ പോസ്റ്റ് വൈറലാകാറുണ്ട്. ഇപ്പോഴിതാ അത്തരത്തിലുള്ള പോസ്റ്റാണ് താരം പങ്കുവച്ച് എത്തിയത്.

കൈകാര്യം ചെയ്യാൻ കഴിയാത്തത്ര ചൂട് എന്ന ക്യാപ്ഷനോടെയാണ് താരത്തിന്റെ പോസ്റ്റ്. ഇതിനു പിന്നാലെ പോസ്റ്റിനു താഴെ കമന്റുകളുടെ പ്രവാഹമാണ്. വളരെ രസകരമായ കമൻറുകളാണ് എത്തുന്നത്.

വിവാഹം കഴിഞ്ഞു രണ്ടു മാസങ്ങൾ പിന്നിട്ടപ്പോൾ താൻ ഗർഭിണിയാണെന്ന വിവരം അമല പോൾ സോഷ്യൽ മീഡിയയിലൂടെ പ്രഖ്യാപിച്ചിരുന്നു. ഇതിന് അമലയെ വിമര്‍ശിച്ചവരും പിന്തുണച്ചവരും ഏറെയാണ്.

ഗര്‍ഭിണിയാണെന്ന വാര്‍ത്ത പുറത്തുവന്നതോടെ മെറ്റേണിറ്റി ഫോട്ടോഷൂട്ടുമായി സോഷ്യല്‍ മീഡിയയില്‍ സജീവമാണ് ദമ്പതികള്‍.