14-ാം വയസിൽ വെള്ളിത്തിരയിൽ അരങ്ങേറ്റം; ഒരു വർഷം 12 സിനിമകൾ; 19-ാം വയസിൽ അപകടമരണം സംഭവിച്ച പ്രമുഖ നടി!
- Published by:Sarika N
- news18-malayalam
Last Updated:
18-ാം വയസിൽ സംവിധായകനുമായുള്ള വിവാഹത്തിനായി മതം മാറിയ പ്രമുഖ നടി
ശ്രീദേവിയേയും മാധുരി ദീക്ഷിതിനേയും പോലുള്ള ഇതിഹാസ താരങ്ങൾക്ക് പോലും എത്തിപ്പിടിക്കാൻ കഴിയാത്ത ഒരു അതുല്യ നേട്ടം സ്വന്തമാക്കിയ നടിയുണ്ട് ഇന്ത്യൻ സിനിമയിൽ. അത് മറ്റാരുമല്ല ദിവ്യ ഭാരതിയാണ്. ഒരു വർഷം 12 ചിത്രങ്ങൾ അതായത് ശരാശരി ഒരു മാസം ഒരു സിനിമ എന്ന കണക്കിൽ പൂർത്തിയാക്കിയ ഈ താരത്തിന്റെ ജീവിതം 19-ാം വയസ്സിൽ ദാരുണമായി അവസാനിച്ചു. സിനിമയിൽ മറ്റാർക്കും തകർക്കാൻ കഴിയാത്ത ഒരു റെക്കോർഡ് ബാക്കിയാക്കിയാണ് ദിവ്യ ഭാരതി വിടവാങ്ങിയത്.
advertisement
ഇന്ത്യൻ ചലച്ചിത്ര ലോകത്തെ ഒരു അതുല്യ പ്രതിഭയായിരുന്നു നടി ദിവ്യ ഭാരതി. 14-ാം വയസ്സിൽ തന്റെ കരിയർ ആരംഭിച്ച അവർ മോഡലിംഗ് രംഗത്തും സജീവമായിരുന്നു. മോഡലിംഗിൽ അതിവേഗം പ്രശസ്തി നേടിയത് സിനിമയിലേക്കുള്ള വാതിൽ തുറന്നു. തന്മയത്വമുള്ള അഭിനയ ശൈലിയും ആകർഷകമായ സൗന്ദര്യവും കൊണ്ട് ദിവ്യ ഭാരതി പ്രേക്ഷകരെ അതിവേഗം കീഴടക്കി. ഹിറ്റുകൾ മാത്രം നിറഞ്ഞ ദിവ്യ ഭാരതിയുടെ ആദ്യകാല കരിയർ ഇന്നും ആരാധകർ സ്നേഹത്തോടെ ഓർക്കുന്നു.
advertisement
1990-ൽ പുറത്തിറങ്ങിയ തമിഴ് ചിത്രം 'നില പെണ്ണേ' എന്ന സിനിമയിലൂടെയാണ് ദിവ്യ ഭാരതി സിനിമാലോകത്തേക്ക് കടന്നുവരുന്നത്. തെലുങ്ക് ചിത്രം 'ബോബ്ബിലി രാജാ' അവരെ കൂടുതൽ ശ്രദ്ധേയയാക്കി. 1992-ൽ പുറത്തിറങ്ങിയ ബോളിവുഡ് ചിത്രം 'വിശ്വത്മാ'യിലൂടെയാണ് താരം ഹിന്ദി സിനിമയിൽ എത്തുന്നത്. ചുരുങ്ങിയ കാലം കൊണ്ട് നിരവധി സൂപ്പർഹിറ്റുകളിൽ അഭിനയിച്ച ദിവ്യ ഭാരതി പ്രേക്ഷകരുടെ ഇഷ്ടതാരമായി മാറി.
advertisement
ബോളിവുഡിലെ മുൻനിര നടിമാർക്ക് പോലും സാധിക്കാത്ത ഒരു ശ്രദ്ധേയ നേട്ടമാണ് ദിവ്യ ഭാരതി സ്വന്തമാക്കിയത്. ഒറ്റ വർഷം കൊണ്ട് നിരവധി ചിത്രങ്ങൾ പുറത്തിറക്കി അവർ ചരിത്രം സൃഷ്ടിച്ചു. 1992-ൽ മാത്രം 12 സിനിമകൾ റിലീസ് ചെയ്തുകൊണ്ട് ദിവ്യ ഭാരതി ബോളിവുഡിൽ പുതിയ റെക്കോർഡ് സ്ഥാപിച്ചു, ഇത് അവരുടെ അസാധാരണമായ പ്രതിഭയ്ക്കുള്ള തെളിവാണ്. ഈ റെക്കോർഡ് ഇന്നും തകർക്കപ്പെട്ടിട്ടില്ല.
advertisement
നടൻ ഗോവിന്ദയിലൂടെയാണ് നിർമാതാവും സംവിധായകനുമായ സാജിദ് നാദിയാദ്വാലയെ ദിവ്യ ഭാരതി പരിചയപ്പെടുന്നത്. 'ഷോല ഓർ ശബ്നം' എന്ന സിനിമയുടെ സെറ്റിൽ വച്ചാണ് അവർ പരിചയപ്പെടുന്നത്. വിവാഹത്തിനായി ദിവ്യ ഭാരതി മതം മാറിയിരുന്നു. മതം മാറിയ ദിവ്യ ഭാരതി സന എന്ന പേര് സ്വീകരിച്ചു. ഇവരുടെ വിവാഹം എല്ലാവരെയും അറിയിച്ചു നടത്തിയ ചടങ്ങായിരുന്നില്ല.1992 മെയ് 10ന് അവർ സാജിദ് നാദിയാദ്വാലയുടെ ഭാര്യയായി.
advertisement
1993 ഏപ്രിൽ 5 ന്, തന്റെ വീടിന്റെ ബാൽക്കണിയിൽ നിന്ന് ദുരൂഹ സാഹചര്യത്തിൽ വീണാണ് ദിവ്യ ഭാരതിയുടെ മരണം സംഭവിച്ചത്. 19-ാം വയസ്സിൽ അവസാനിച്ച അവരുടെ ജീവിതം സിനിമാ ലോകത്തെയും ലക്ഷക്കണക്കിന് ആരാധകരെയും ഞെട്ടിച്ചു. മുംബൈ അന്ധേരി വെസ്റ്റിലെ ഫ്ളാറ്റിലെ അഞ്ചാം നിലയിലെ ബാൽക്കണിയിൽ നിന്നും താഴേക്ക് പതിച്ചായിരുന്നു ദിവ്യയുടെ മരണം. ഈ സമയം അതിഥികളായി നീത ലുല്ല, അവരുടെ ഭർത്താവ് ശ്യാം ലുല്ല, വീട്ടുജോലിക്കാരിയായിരുന്ന അമൃതാ കുമാരി എന്നിവർ അവിടെയുണ്ടായിരുന്നു. ദിവ്യയെ ഉടൻതന്നെ ആംബുലൻസിൽ ആശുപത്രിയിൽ കൊണ്ടുപോയെങ്കിലും, ജീവൻ രക്ഷിക്കാനായില്ല.
advertisement


