കടുവയ്‌ക്കൊപ്പം ഒരു കിടിലന്‍ ‘ക്യാറ്റ് വോക്’; നടി പൂജിത മേനോന്റെ വൈറൽ വീഡിയോ

കടുവയ്ക്കൊപ്പം കിടിലന്‍ ഒരു ക്യാറ്റ് വാക്ക് നടത്തി നടിയും അവതാരകയുമായ പൂജിതാ മേനോൻ.

ബാങ്കോക്കിലെ പട്ടായയില്‍ അവധി ആഘോഷത്തിനിടെ പങ്കുവെച്ച വിഡിയോയിലാണ് കടുവക്കൊപ്പം ക്യാറ്റ് വാക്ക് നടത്തുന്ന പൂജിതയെ കാണാന്‍ കഴിയുക.

‘ക്യാറ്റ് വോക് വിത്ത് ദ് ബിഗ് ക്യാറ്റ്’ എന്ന ക്യാപ്ഷനോടെ ഇന്‍സ്റ്റഗ്രാമിലാണ് പൂജിത വീഡിയോ പങ്കുവെച്ചിരിക്കുന്നത്.

‘‘എന്തൊരു അനുഭവമായിരുന്നു. ശ്വാസമിടിപ്പ് നിയന്ത്രിച്ചുകൊണ്ട് ഒരു കടുവയ്ക്കൊപ്പം ഇത്രയും കംഫർട്ട് ആയി നടക്കാൻ കഴിയുമെന്ന് ഒരിക്കലും ചിന്തിച്ചിരുന്നില്ല. ഹാഷിമിന് നന്ദി. നിങ്ങളുെട പ്രചോദനമില്ലെങ്കില്‍ ഇത് സാധ്യമാകുമായിരുന്നില്ല –പൂജിത കുറിച്ചു.

ടെലിവിഷന്‍ ഷോകളില്‍ അവതാരകയായും മറ്റും തിളങ്ങിയ താരം സിനിമകളിലും ശ്രദ്ധേയമായ വേഷങ്ങള്‍ അവതരിപ്പിച്ചിട്ടുണ്ട്.

2013 ൽ ‘നീ കൊ ഞാൻ ചാ’ എന്ന സിനിമയിൽ നായികയായി . 

അരികിൽ ഒരാൾ, ഓം ശാന്തി ഓശാന, സ്വർണക്കടുവ എന്നിവയുൾപ്പെടെ പതിനഞ്ചോളം സിനിമകളിൽ അഭിനയിച്ചിട്ടുണ്ട്.