Ahaana | തലോടാൻ ചെന്നു; അഹാന കൃഷ്ണയെ ഞെട്ടിവിറപ്പിച്ച് കടുവയുടെ അപ്രതീക്ഷിത പ്രതികരണം

തായ്‌ലൻഡിൽ പോയാൽ ഇവിടുത്തെ ടൈഗർ പാർക്ക് സന്ദർശിക്കാത്തവരുണ്ടോ എന്നാണ് ചോദ്യം. വിദേശ ടൂറിസ്റ്റുകൾ മുതൽ സെലിബ്രിറ്റികൾ വരെയുള്ളവർ ഇവിടെ വന്നിട്ടുളളതായി മനസിലാക്കാം. നടി അഹാന കൃഷ്ണയും (Ahaana Krishna) കൂട്ടുകാരി റിയാ നജാമുമാണ് ഏറ്റവും ഒടുവിലായി ഇവിടം സന്ദർശിച്ച രണ്ടുപേർ. ഒരു ടൂർ പ്ലാനർക്കൊപ്പം തായ്‌ലൻഡ് വരെ യാത്രപോയതാണ് അഹാന. ടൈഗർ പാർക്കിലെ ചില ചിത്രങ്ങളും അഹാന പകർത്തി ഇൻസ്റ്റഗ്രാമിൽ പോസ്റ്റ് ചെയ്തു

നാട്ടിലെ മൃഗശാലകളിലോ കാട്ടിലോ പോയി ഒരു കടുവയുടെ മുന്നിൽപെട്ടാൽ എന്താകും അവസ്ഥ എന്നറിയാത്തവർ ഉണ്ടാകില്ല. മൃഗശാലയിലെ കൂട്ടിൽ ഒരുപക്ഷേ, കൂട്ടിനു പുറത്തെങ്കിലും സുരക്ഷിതരായി നിൽക്കാം എന്നൊരാശ്വാസം ഉണ്ടാകും. പക്ഷേ, കാട്ടിലോട്ടു കയറിയാൽ അതാകില്ല അവസ്ഥ. എന്നാൽ ഈ ടൈഗർ പാർക്കിലെ കടുവയെ നിങ്ങൾക്ക് കൊച്ചുകുഞ്ഞിനെ എന്നപോലെ കൈകാര്യം ചെയ്യാം. എന്നാൽ ചിലർക്കെങ്കിലും പണിപാളും. അതാണ് അഹാനയ്ക്കും സംഭവിച്ചത് (തുടർന്ന് വായിക്കുക)

ഉള്ളിലെ കിടുകിടുപ്പ് എത്രത്തോളം ഉണ്ടായിരുന്നു എന്ന് അഹാന വിവരിക്കുന്നുണ്ട്. എന്നാൽ, താൻ ധൈര്യശാലി എന്നതുപോലെയാണ് അഹാന കടുവയുടെ അടുത്തേക്ക് പോയത്. മരത്തണലിൽ ഒരാലസ്യത്തിൽ കിടക്കുകയാണ് കക്ഷി. അടുത്ത് നിന്ന് നിയന്ത്രിക്കാൻ ഒരു പരിശീലകനും ഒപ്പമുണ്ട്. അഹാന അരികിലെത്തിയതും, ആ പരിശീലകനും കൂടെ നിന്നു

കടുവയെ എങ്ങനെവേണം കൈകാര്യം ചെയ്യാൻ എന്ന് ഇദ്ദേഹം അഹാനയ്ക്ക് പറഞ്ഞുകൊടുക്കുന്നുമുണ്ട്. കടുവ ആക്രമിക്കില്ല എന്നുറപ്പുണ്ടെങ്കിലും, ഒരു പ്രത്യേക രീതിയിൽ കൈകാര്യം ചെയ്തില്ലെങ്കിൽ കാര്യങ്ങൾ കൈവിട്ടു പോകും എന്ന് ഇദ്ദേഹം താക്കീത് കൊടുക്കുന്നുമുണ്ട്. ഉള്ളിലെ ഭയം മുഖത്തു തെളിയാതെ അഹാന കഴിയുന്നത്ര ധൈര്യം സംഭരിച്ച് കടുവയുടെ മുകളിൽ മെല്ലെ തലോടുന്നുണ്ട്

എന്നാൽ, ട്രെയിനർ നൽകിയ താക്കീത് അതുപോലെ ഫലിച്ചു എന്നുവേണം പറയാൻ. വളരെ ലാഘവത്തോടെ തലോടിയാൽ, തന്നെ പ്രാണികളോ പുറത്തുനിന്നുള്ള മറ്റു ജീവികളോ ആകർമയ്ക്കാൻ വരുന്നു എന്നാകും കടുവ കരുതുക. അഹാനയുടെ തലോടൽ അക്കാര്യത്തിൽ അൽപ്പമൊന്നു കൈവിട്ടതും, കടുവ പ്രതികരിച്ചു

താൻ ആക്രമിക്കപ്പെടുന്നു എന്ന് തോന്നലുണ്ടായാൽ, വാലുകൊണ്ട് അടിക്കുന്നതാണ് കടുവയുടെ രീതി. കടുവയുടെ തൊട്ടുപിന്നിൽ നിന്ന അഹാനയ്ക്കും അത് തന്നെ സംഭവിച്ചു. കടുവ വാലുപൊക്കി അടിച്ചതും അഹാന ഒരുനിമിഷം പെട്ടെന്ന് ഒരു നിമിഷത്തേക്ക് ഞെട്ടിവിറയ്ക്കുകയും ചെയ്തു. ഇതിന്റെ വിശദമായ കഥ അഹാനയുടെ വ്ലോഗിൽ കാണാം