Ahaana Krishna | അഹാന തിരഞ്ഞെടുപ്പ് ഗോദയിലില്ല, പോയത് ഇവിടേക്കാണ്‌; സ്വപ്നസാക്ഷാത്കാരത്തെപ്പറ്റി താരം

അച്ഛൻ കൃഷ്ണകുമാർ തിരഞ്ഞെടുപ്പ് ചൂടിൽ പ്രചാരണം കൊഴുപ്പിക്കുമ്പോൾ അവിടെയെങ്ങും മൂത്തമകൾ അഹാന കൃഷ്ണയെ (Ahaana Krishna) കണ്ടവരില്ല. അഹാന യാത്രയിലാണ് എന്നായിരുന്നു അമ്മ സിന്ധു കൃഷ്ണയുടെ പ്രതികരണം. അഹാനയുടെ മൂത്ത അനുജത്തിയായ ദിയ കൃഷ്ണയും സിന്ധുവും മാത്രമാണ് പ്രചാരണത്തിൽ പങ്കെടുത്തത്. അഹാന എവിടെയെന്നു ചോദ്യത്തിനുള്ള മറുപടി അഹാന തന്നെ നൽകുന്നു

എവിടെ എന്ന് മറുപടി പറയും മുൻപ് ഒരു വലിയ സ്വപ്നത്തിന്റെ കഥയുണ്ട് അഹാനയ്ക്ക് പറയാൻ. വർഷങ്ങളായി അഹാന കണ്ട സ്വപ്നമാണ് ഈ ചിത്രം. അതിന്റെ അടുത്തെത്തിയതും പിന്നെയും 12 ദിവസങ്ങൾ കൂടി വേണ്ടിവന്നു. മാർച്ച് 31ന് ഐസ് ലൻഡിലാണ് ആ സ്വപ്നസാക്ഷാത്കാരം (തുടർന്ന് വായിക്കുക)

രാത്രി 12.50 നും 2.30 നും ഇടയിലായിരുന്നു സംഭവം. സംഗതി ഓറോറ ബോറിയാലിസ് എന്നറിയപ്പെടുന്ന ധ്രുവദീപ്തിയാണ്. ഉത്തരധ്രുവത്തിൽ രാത്രി ആകാശത്തു സംഭവിക്കുന്ന വെളിച്ചത്തിന്റെ പ്രതിഭാസം. ഇത് തന്റെ ആഗ്രഹങ്ങളുടെ പട്ടികയിൽ നിന്നും ഒഴിവാക്കുകയല്ല, വീണ്ടും വീണ്ടും കാണും എന്ന് അഹാന

എന്താണ് ധ്രുവദീപ്തി എന്ന് ചോദിക്കുകയും തന്റെ സംശയങ്ങൾക്ക് മുഴുവനും ഉത്തരം കണ്ടെത്തുകയും ചെയ്യാൻ സഹായിച്ച സുഹൃത്ത് നവനീത് ഉണ്ണികൃഷ്ണനും അഹാനയുടെ നന്ദിയുണ്ട്. രണ്ടു മാസക്കാലം നവനീത് അഹാനയ്ക്ക് പിന്തുണയുമായി കൂടെയുണ്ടായി

ഈ ചിത്രങ്ങൾ അതിന്റെ പൂർണതയിൽ പകർത്തിയ വിദേശ ഫോട്ടോഗ്രാഫർക്കുമുണ്ട് അഹാനയുടെ ഹൃദയത്തിന്റെ ഭാഷയിൽ നന്ദി. ഒരുപാട് രാത്രികളിൽ ഈ ആകാശവിസ്മയം തേടി നിരാശയാകേണ്ടി വന്നുവെന്ന കാര്യവും അഹാന മറച്ചുവെക്കുന്നില്ല

ഈ ചിത്രങ്ങൾ അഹാന ഇൻസ്റ്റഗ്രാമിൽ പോസ്റ്റ് ചെയ്യുകയും, അതിനൊപ്പം ഐസ് ലൻഡ് സന്ദർശനത്തിന്റെ വീഡിയോ അഹാന കൃഷ്ണ യൂട്യൂബിൽ അപ്‌ലോഡ് ചെയ്യുകയും ചെയ്തു. തന്റെ ഏറ്റവും പ്രിയപ്പെട്ട വ്ലോഗ് എന്ന് അഹാന ഇതിനെ വിശേഷിപ്പിക്കുന്നു

ധ്രുവദീപ്തിയിൽ തിളങ്ങുന്ന ആകാശത്തിന്റെ പശ്ചാത്തലത്തിൽ അഹാന കൃഷ്ണ