Ahaana Krishna | 'ഇതാരാ ഡിസ്നി പ്രിൻസസ്സോ?'; രാജകുമാരിയെ പോലെ അതിസുന്ദരിയായി അഹാന കൃഷ്ണ

ഐസ് ലാൻഡ് വരെ യാത്ര ചെയ്ത് ധ്രുവദീപ്തി നേരിൽ കാണാനായതിന്റെ സന്തോഷം നടി അഹാന കൃഷ്ണ കുറച്ചു ദിവസം മുൻപ് പങ്കിട്ടിരുന്നു.

വർഷങ്ങളുടെ ആഗ്രഹവും ദിവസങ്ങളുടെ കാത്തിരിപ്പിന്റെയും പരിസമാപ്തിയാണ് ധ്രുവദീപ്തി ദർശനത്തോടെ സാധ്യമായത്. ഐസ് ലാൻഡിന്റെ സൗന്ദര്യം പരമാവധി ആസ്വദിച്ചു എന്ന് അഹാനയുടെ പോസ്റ്റുകളിൽ വ്യക്തം.

ഇപ്പോൾ ഐസ് ലാൻഡിൽ ഡിസ്നി പ്രിൻസസ്സിനെപോലെ ഒരുങ്ങി എത്തിയ ചിത്രങ്ങലാണ് താരം പങ്കിടുന്നത്. 2 ഡിഗ്രി സെൽഷ്യസിലാണ് താൻ ഈ ചിത്രം പകർത്തിയതെന്നും അഹാന കുറിപ്പിൽ വ്യക്തമാക്കുന്നുണ്ട്.

ഗൗണിൽ ഏവരേയും ഞെട്ടിക്കുകയാണ് അഹാന കൃഷ്ണ. നടിയുടെ പുതിയ ചിത്രങ്ങൾ നിമിഷനേരം കൊണ്ടാണ് ആരാധക ഹൃദയം കീഴടക്കുന്നത്.

ഐസ് ലാൻഡ് സന്ദർശനത്തിന്റെ വീഡിയോ അഹാന യൂട്യൂബിൽ അപ് ലോഡ് ചെയ്ചതിട്ടുണ്ട്. തന്റെ ഏറ്റവും പ്രിയപ്പെട്ട വ്ളോഗ് എന്നാണ് അഹാന ഇതിനെ വിശേഷിപ്പിച്ചത്.

കുട്ടിക്കാലം മുതൽ കുറച്ച് പേർക്കെങ്കിലും സുപരിചിതയായ താരമാണ് അഹാന കൃഷ്ണ. നടൻ കൃഷ്ണകുമാറിന്റെ മൂത്ത മകൾ എന്നത് തന്നെയായിരുന്നു അതിന് കാരണം. ശേഷം ഞാൻ സ്റ്റീവ് ലോപ്പസ് എന്ന ചിത്രത്തിൽ അഭിനയിച്ചു കൊണ്ടാണ് വെള്ളിത്തിരയിൽ അഹാന എത്തുന്നത്.

പിന്നീട് ഒട്ടനവധി സിനിമകളിൽ ശ്രദ്ധേയമായ വേഷത്തിൽ അഹാന തിളങ്ങി. സിനിമയ്ക്ക് പുറമെ സോഷ്യൽ മീഡിയയിൽ സജീവമായ അഹാന, തന്റെ കുഞ്ഞ് വലിയ വിശേഷങ്ങൾ ആരാധകരുമായി പങ്കുവയ്ക്കാറുണ്ട്.

അതേസമയം അടിയാണ് അഹാന നായികയായി അവസാനം എത്തിയ ചിത്രം. ഫഹദ് ഫാസിലിന്റെ പാച്ചുവും അത്ഭുതവിളക്കും എന്ന ചിത്രത്തില്‍ അതിഥി വേഷത്തിലും അഹാന പ്രത്യക്ഷപ്പെട്ടു.