കഷ്‌ടപ്പെട്ട് ചോദിച്ചു മേടിച്ചതല്ലേ, സൂക്ഷിച്ചു വച്ചോ; അഹാനയുടെ മുന്നിൽ അഭ്യർത്ഥനയുമായെത്തിയ ആൾക്ക് മറുപടി

ഇൻസ്റ്റഗ്രാം പേജ്, യൂട്യൂബ് ചാനൽ എന്നിവയിൽ സജീവമായി നിലനിൽക്കുന്ന താരമാണ് അഹാന കൃഷ്ണ (Ahaana Krishna). സിനിമയെക്കാളുപരി അഹാനയെ ഇവിടങ്ങളിൽ കാണാം. ഇടയ്ക്കിടെ ആരാധകരുമായി സംവദിക്കുന്ന അഹാന ഇവിടങ്ങളിൽ ഉണ്ടാകും. ഇനി സൈബർ ആക്രമണം അതിരുകടന്നാൽ അവിടെയും കിട്ടും അഹാനയുടെ മറുപടി. അഹാന വീണ്ടും ഒരു മറുപടിയുമായി വരുന്നു

ഇത്തവണ സംഭവം അനുജത്തി ഹൻസികയുമായി ബന്ധപ്പെട്ടാണ്. അഹാനയെക്കാൾ പത്തു വയസ് പ്രായക്കുറവുള്ള, ഏറ്റവും ഇളയ അനുജത്തിയാണ് ഹൻസിക കൃഷ്ണ. 'ലൂക്ക' എന്ന ചിത്രത്തിൽ അഹാനയുടെ കുട്ടിക്കാലം അവതരിപ്പിച്ചത് ഹൻസികയാണ് (തുടർന്ന് വായിക്കുക)

മൈനർ ആയിരുന്ന സമയം ഒരാൾ ഹൻസികയുടെ പേരിൽ വ്യാജ അക്കൗണ്ട് ആരംഭിച്ചതിനെതിരെ അഹാന പ്രതികരിച്ചിരുന്നു. മൂത്ത ചേച്ചിയെങ്കിലും, അമ്മയുടേതെന്ന പോലെ ഇളയ കുഞ്ഞിനോട് വാത്സല്യമുണ്ട് അഹാനയ്ക്ക്. ചേച്ചിയെ ഓമനപ്പേരായ അമ്മു എന്ന് വിളിക്കാൻ ഹൻസികയ്ക്ക് അത്രകണ്ട് സ്വാതന്ത്ര്യവുമുണ്ട്

നിലവിൽ തിരുവനന്തപുരം മാർ ഇവാനിയോസ് കോളേജിലെ ഒന്നാം വർഷ ബിരുദ വിദ്യാർത്ഥിനിയാണ് ഹൻസിക കൃഷ്ണ. അതിനു മുൻപ് ഹോളി ഏഞ്ചൽസ് സ്കൂളിൽ നിന്നും പ്ലസ് ടു പഠനം പൂർത്തിയാക്കി. കൃഷ്ണകുമാറിന്റെ നാല് മക്കളും ഇതേ സ്കൂളിൽ പഠിച്ചവരാണ്

സമൂഹ മാധ്യമങ്ങളിലെ സുന്ദരിമാരായ സെലിബ്രിറ്റികളുടെ പേജിൽ കയറി അനാവശ്യ കാര്യങ്ങൾ ഒപ്പിക്കുന്നവരുടെ എണ്ണം കൂടുതലാണ്. ഇതിൽ മോശം കമന്റ്റ് ഇടലാണ് പലരുടെയും പതിവ്. അതുമല്ലെങ്കിൽ ഡയറക്റ്റ് മെസേജിൽ കയറി വന്നു അശ്‌ളീല ഭാഷ ചേർത്ത് പ്രയോഗിക്കും. ഹൻസികയുടെ പേജിൽ കയറി അത്തരം പരിപാടി ഏതോ ഒപ്പിച്ച ഒരാൾക്ക് ബ്ലോക്ക് കിട്ടിയിട്ടുണ്ട്

അനുജത്തിയോട് ചേച്ചി കാര്യം അവതരിപ്പിച്ചാൽ, നടക്കും എന്ന പ്രതീക്ഷയിൽ ഒരാൾ അഭ്യർത്ഥനയുമായി അഹാനയുടെ മുന്നിലെത്തി. 'ഹൻസുവിനോട് ബ്ലോക്ക് മാറ്റാൻ പറയോ' എന്നാണ് ആവശ്യം. ആളുടെ പ്രൊഫൈൽ ഫോട്ടോയും പേരും മറച്ച ശേഷം ആ സംഭാഷണം അഹാന ഇൻസ്റ്റഗ്രാം സ്റ്റോറിയാക്കി

'കഷ്‌ടപ്പെട്ട് ചോദിച്ചു മേടിച്ചതല്ലേ, സൂക്ഷിച്ചു വച്ചോ (പിന്നെ ട്രോഫി ഇമോജിയും)' എന്നായി അഹാനയുടെ പ്രതികരണം. ഇൻസ്റ്റഗ്രാമിൽ 1.2M ഫോളോവേഴ്‌സുള്ള 18കാരിയാണ് ഹൻസിക കൃഷ്ണകുമാർ