Ahaana Krishna | 'ജീവിതത്തിൽ അത് പണം നൽകാതെയുള്ള പങ്കാളിത്തം മാത്രമായിരിക്കും': നയം വ്യക്തമാക്കി അഹാന കൃഷ്ണ

നടി അഹാന കൃഷ്ണയുടെ (Ahaana Krishna) ബ്രൈഡ്-ടു-ബി (bride-to- be) ചിത്രങ്ങൾ സോഷ്യൽ മീഡിയയിൽ വന്നത് മുതൽ എങ്ങും വാർത്തയും ചർച്ചയുമായിരുന്നു. ഇതിനു പലരും അഹാനയുടെ വിവാഹം നടക്കുന്നു എന്ന തരത്തിൽ റിപ്പോർട്ട് പ്രസിദ്ധീകരിക്കുകയും ചെയ്തു. പക്ഷേ, ആ ചിത്രങ്ങൾക്കൊപ്പം ഇതൊരു പെയ്ഡ് പാർട്ണർഷിപ്പ് അഥവാ പരസ്യത്തിന് വേണ്ടിയുള്ള സഹകരണം എന്ന നിലയിൽ അഹാന തന്നെ വിവരണം നൽകിയിരുന്നു

പക്ഷേ, ചിത്രങ്ങൾ പോയ വഴി കണ്ട് അഹാനയും ആകെ അമ്പരന്നിരിക്കുകയാണ്. അഹാനയുടെ ഇൻസ്റ്റഗ്രാം സ്റ്റോറിയിൽ തന്നെയാണ് ഇക്കാര്യത്തിന് വിശദീകരണവും നൽകിയിട്ടുള്ളത് (തുടർന്ന് വായിക്കുക)

ഇത് പരസ്യത്തിന് വേണ്ടിയുള്ളതാകും എന്ന് മറ്റുള്ളവർ മനസിലാക്കുമെന്നും, തന്റെ യഥാർത്ഥ ബ്രൈഡൽ ഷവർ അല്ല ഇതെന്നുമാണ് അഹാന പറഞ്ഞത്. അഹാന മോഡലായ ബ്രാൻഡിന്റെ പുതിയ ആഭരണ ശേഖരത്തിന്റെ പേരാണ് ബ്രൈഡ്-ടു-ബി

ശരിക്കും വിവാഹം കഴിക്കുമ്പോൾ അതൊരു പെയ്ഡ് പാർട്ണർഷിപ്പ് ആയിരിക്കില്ല എന്ന് അഹാന. അങ്ങനെയൊരു ടാഗ് പോലും ഉണ്ടാവില്ല. അത് പൂർണമായും പണം നൽകാതെയുള്ള പങ്കാളിത്തം മാത്രമായിരിക്കും

പരസ്യത്തിനായി പോസ് ചെയ്ത മൂന്നു ചിത്രങ്ങളാണ് അഹാനയുടെ ഇൻസ്റ്റഗ്രാം പേജിൽ എത്തിയത്. ചേച്ചിയുടെ മോഡലിംഗിന് സഹോദരിമാരായ ദിയ കൃഷ്ണയും ഹൻസിക കൃഷ്ണയും കമന്റ് ചെയ്തിരുന്നു. മാത്രമല്ല, കമന്റ് ചെയ്‌തവരിൽ പല താരങ്ങളും ഉൾപ്പെടും

വിവാഹത്തെക്കുറിച്ച് വ്യക്തമായ സങ്കല്പമുള്ളയാളാണ് അഹാന. അത് എത്രവർഷങ്ങൾ കഴിഞ്ഞായാലും മതി എന്ന നിലപാടിലാണ് അഹാന. അക്കാര്യം പല അഭിമുഖങ്ങളിലും അഹാന വ്യക്തമാക്കുകയും ചെയ്തിട്ടുണ്ട്. മൂന്ന് അനുജത്തിമാരുടെ ചേച്ചിയാണ് അഹാന

അഹാന കൃഷ്ണ ഇൻസ്റ്റഗ്രാം സ്റ്റോറിയിൽ നൽകിയ വിശദീകരണ കുറിപ്പ്