നടി ഐശ്വര്യ അർജുൻ വിവാഹിതയാകുന്നു; മഞ്ഞള്‍ വെള്ളത്തില്‍ കുളിച്ച് താരം; ചിത്രങ്ങൾ വൈറൽ

ചെന്നൈ: നടൻ അർജുൻ സർജയുടെ മകളും നടിയുമായ ഐശ്വര്യ അർജുൻ വിവാഹിതയാകുന്നു. നടൻ തമ്പി രാമയ്യയുടെ മകനും നടനുമായ ഉമാപതിയാണ് വരൻ. ഇപ്പോഴിതാ വിവാഹത്തിന് മുന്നോടിയായുള്ള ഹൽദി ആഘോഷങ്ങളുടെ ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്.

വളരെ അടുത്ത ബന്ധുക്കളെയും സുഹൃത്തുക്കളേയും ഉൾക്കൊള്ളിച്ച് നടന്റെ ചെന്നൈയിലെ വീട്ടിൽ‌ വച്ചായിരുന്നു ചടങ്ങുകൾ.ദീർഘ നാളത്തെ പ്രണയത്തിന് ശേഷമാണ് ഐശ്വര്യയും ഉമാപതിയും വിവാഹിതരാകുന്നത്.

വളരെ സിമ്പിളായ വെള്ള കുർത്ത ധരിച്ചായിരുന്നു ഹൽദി ചടങ്ങിൽ ഐശ്വര്യ എത്തിയത്. ഇതിനു പിന്നാലെ ഐശ്വര്യയുടെ ചെന്നൈയിലെ വസതിയിൽ മെഹന്തി ചടങ്ങും സംഘടിപ്പിച്ചു. ഇതിൽ മഞ്ഞ ഡ്രസാണ് താരം അണിഞ്ഞിരുന്നത്.

കഴിഞ്ഞ ദിവസം സുഹൃത്തുക്കൾക്കൊപ്പമുള്ള ബാച്ച്ലർ പാർട്ടിയുടെ ചിത്രങ്ങൾ ഐശ്വര്യയുടെ സഹോദരി അഞ്ജന പങ്കുവച്ചിരുന്നു. കഴിഞ്ഞ വർഷമായിരുന്നു ഇരുവരുടേയും വിവാ​ഹനിശ്ചയം നടന്നത്. വിവാഹ നിശ്ചയത്തിന്റെ ചിത്രങ്ങളും വിഡിയോയും സോഷ്യൽ മീഡിയയിൽ വൈറലായിരുന്നു.

2013ലായിരുന്നു ഐശ്വര്യ സിനിമയിൽ അരങ്ങേറിയത്.‘പട്ടത്ത് യാനൈ’ എന്ന ചിത്രത്തിലൂടെയാണ് ഐശ്വര്യ സിനിമയിൽ അരങ്ങേറ്റം കുറിക്കുന്നത്. നടൻ അർജുൻ സർജ സംവിധാനം ചെയ്ത പ്രേമ ബരാഹ എന്ന ചിത്രത്തിലും ഐശ്വര്യയായിരുന്നു നായിക.

നടൻ തമ്പി രാമയ്യയുടെ മകനായ ഉമാപതി ‘അധഗപ്പട്ടത് മഗജനഞ്ജലയ്’ എന്ന ചിത്രത്തിലൂടെയാണ് സിനിമയിലേക്കെത്തുന്നത്. മണിയാര്‍ കുടുംബം, തിരുമണം, തന്നെ വണ്ടി തുടങ്ങിയ ചിത്രങ്ങളിൽ അഭിനയിച്ചിട്ടുണ്ട്.