നീല കണ്ണുകളുള്ള കുഞ്ഞു മാലാഖ; ക്രിസ്മസ് ദിനത്തില്‍ റാഹയെ പരിചയപ്പെടുത്തി ആലിയയും രൺബീറും; ഇവള്‍ ബോളിവുഡ് കീഴടക്കുമെന്ന് ആരാധകര്‍

ആരാധകരുടെ കാത്തിരിപ്പിനു വിരാമം. താരപുത്രിയെ പരിചയപ്പെടുത്ത് രൺബീർ കപൂറും ആലിയ ഭട്ടും. ഒടുവിൽ തങ്ങളുടെ മകൾ റാഹയുടെ മുഖം ലോകത്തിന് മുന്നിൽ വെളിപ്പെടുത്തിയിരിക്കുകയാണ് ഇരുവരും.

കുടുംബത്തോടൊപ്പം ക്രിസ്മസ് ആഘോഷവുമായി ദമ്പതികൾ റാഹയെ കൊണ്ട് വന്നപ്പോഴാണ് റാഹയുടെ മുഖം ക്യാമറയ്ക്ക് മുന്നിൽ കാട്ടിയത്. ഇതിന്റെ ചിത്രങ്ങളും വീഡിയോകളും സമൂഹ മാധ്യമങ്ങളിൽ വൈറലാണ്.

ഇതോടെ അച്ഛൻ രൺബീറിന്റെ കൈകളിൽ ഗൗരവത്തോടെയിരിക്കുന്ന കുഞ്ഞു റാഹയുടെ ചിത്രമാണ് സോഷ്യൽ മീഡിയ നിറയെ. താരദമ്പതികളുടെ മകളെ ഒരു നോക്ക് കാണാൻ ആകാംക്ഷയോടെ കാത്തിരുന്നവർക്കും ക്രിസ്മസ് ദിനത്തില്‍ ലഭിച്ച സമ്മാനം തന്നെ ഇത്.

ചുവപ്പ് വെൽവെറ്റ് ഷൂവും വെള്ളയും പിങ്ക് നിറത്തിലുള്ള വസ്ത്രവും ധരിച്ച് അതിസുന്ദരിയായി റാഹയെ ചിത്രങ്ങളിൽ കാണാം. ആലിയ ഭട്ട് പൂക്കളുള്ള കറുത്ത വസ്ത്രവും രൺബീർ ഇരുണ്ട ജീൻസുള്ള കറുത്ത ജാക്കറ്റുമണിഞ്ഞാണ് എത്തിയത്.

അൽപ്പം ഇളം നിറമുള്ള കണ്ണുകളാണ് റാഹയ്ക്കും കിട്ടിയിരിക്കുന്നത്. ഇതോടെ ആ കണ്ണുകൾ കപൂർ കുടുംബത്തിന്റെ തുടർച്ചയാണെന്നാണ് ആരാധകരുടെ കണ്ടെത്തൽ.

ഞായറാഴ്ച രാത്രി മഹേഷ് ഭട്ടിന്റെ വീട്ടിൽ ആലിയയും രൺബീറും ക്രിസ്മസ് തലേന്ന് അത്താഴവിരുന്നിൽ പങ്കെടുത്ത് മണിക്കൂറുകൾക്ക് ശേഷമായിരുന്നു ഇത്. അടുത്തിടെ, രാഹയുടെ ഒന്നാം ജന്മദിനത്തിൽ ആലിയ ചില ചിത്രങ്ങൾ പങ്കിട്ടിരുന്നു.

2022 നവംബർ ആറിനാണ് റാഹ ജനിച്ചത്. ഇന്നുവരെ രൺബീറും ആലിയയും റാഹയുടെ ചിത്രങ്ങൾ പങ്കിടുകയോ പാപ്പരാസികളെ ഫോട്ടോകൾ എടുക്കാൻ അനുവദിക്കുകയോ ചെയ്തിരുന്നില്ല.