Amala Paul | പ്രണയദിനം വേറിട്ട രീതിയിൽ ആഘോഷിച്ച് അമലും ഭർത്താവും; ഏറ്റെടുത്ത് ആരാധകർ

2023 നവംബര്‍ ആദ്യ വാരമായിരുന്നു അമല പോളും ജഗദ് ദേശായിയും വിവാഹിതരായത്. പിന്നീട് അമ്മയാകാൻ പോകുന്നുവെന്ന സന്തോഷവാര്‍ത്തയും നടി അമല പോള്‍ സോഷ്യല്‍ മീഡിയയിലൂടെ പങ്കുവച്ചിരുന്നു.

പങ്കാളിയുടെയും തന്‍റെയും ചിത്രങ്ങള്‍ പങ്കിട്ടുകൊണ്ടാണ് ആരാധകര്‍ക്കും ഫോളോവേഴ്സിനുമായി ഈ സന്തോഷവാര്‍ത്തയും കുറിച്ചത്.

ഇപ്പോൾ പ്രണയദിനയാശംസകൾ പങ്കുവെച്ച് എത്തിയിരിക്കുകയാണ് അമല. ഇത്തവണ വളരെ വ്യത്യസ്തമായ പ്രണയദിന ആഘോഷമാണ് താരം തിരഞ്ഞെടുത്തത്. 

യോഗയോടുള്ള പ്രണയമാണ് ഇത്തവണ ഇരുവരും പങ്കുവെച്ചത്. കോയമ്പത്തൂരിലെ ഇഷ യോഗ സെന്ററിലാണ് ഇരുവരുടേയും പ്രണയദിന ആഘോഷം.

'വാലൻ്റൈൻസ് ദിനത്തിൽ, ഞാനും ജഗതും യോഗയോടും ഇഷയോടും ഉള്ള പ്രണയം ആഘോഷിച്ചു, സ്നേഹം എന്നത് കൊടുക്കൽ, സ്വീകരിക്കൽ, നിരീക്ഷിക്കൽ, പങ്കിടൽ, ലളിതമായി ജീവിക്കൽ എന്നിവയെ എങ്ങനെ ഉൾക്കൊള്ളുന്നു എന്ന് എടുത്തുകാണിച്ചു. സ്നേഹം മനസ്സിനും ശരീരത്തിനും ആത്മാവിനും അതീതമാകട്ടെ - അത് പ്രപഞ്ചത്തിൻ്റെ ഏറ്റവും വലിയ സമ്മാനമാണ്', അമല കുറിച്ചു.

ഇരുവരും ഒന്നിച്ചുള്ള ചിത്രങ്ങളും അമല പങ്കുവെച്ചിട്ടുണ്ട്. ഗർഭിണിയായതുകൊണ്ടാണോ ഈ പ്രണയദിനം ഇത്തരത്തിൽ ആഘോഷിക്കുന്നത് എന്നുള്ള ചോദ്യവും കമന്റുകളായി എത്തിയിട്ടുണ്ട്.