Amala Paul l അമിതമായി മദ്യപിച്ചു; കഴിക്കാൻ കൊടുത്തത് ക്യാറ്റ് ബിസ്ക്കറ്റ്; അനുഭവം തുറന്നുപറഞ്ഞ് അമല പോൾ

മലയാളികളുടെ ഇടയിൽ പ്രത്യേകിച്ചൊരു മുഖവുര ആവശ്യമില്ലാത്ത നടിയാണ് അമല പോൾ ( Amala Paul ). കുട്ടിക്കാലം മുതലുള്ള ആ​ഗ്രഹ സഫലീകരത്തിനായി വളരെ അധികം പ്രയത്നിച്ചാണ് അമല സിനിമയിലെത്തിയത്. എന്നാൽ, പിന്നീടുള്ള അമലയുടെ സ്വകാര്യ ജീവിതം അത്ര രസകരമായിരകുന്നില്ല. വിജയ്‍യുമായി വിവാഹം കഴിഞ്ഞെങ്കിലും അധികകാലം ആ ദാമ്പത്യ ജീവിതം നിലനിന്നില്ല. തുടർന്ന്, സിനിമയിൽ ഇടവേള എടുത്തായിരുന്നു അമല മുന്നോട്ടുപോയത്.

വിവാഹ മോചനത്തിന് ശേഷം പലരുമായി പ്രണയത്തിലായെങ്കിലും അമലയുടെ ജീവിതത്തിലെ ഏറ്റവും വലിയ സൗഭാ​ഗ്യമായ ജ​ഗത് എത്തിയത് 2023-ലായിരുന്നു. ​ഗോവയിൽ വച്ചുള്ള അപ്രതീക്ഷിത കണ്ടുമുട്ടലും പ്രണയത്തിലേക്ക് വഴുതി വീണതിനെ കുറിച്ചും അമല തന്നെ പല അഭിമുഖങ്ങളിൽ പറഞ്ഞിട്ടുണ്ട്. പിന്നാലെ വളരെ വേ​ഗത്തിൽ തന്നെ ജ​ഗത് ദേശായിയുമായി അമല വിവാഹവും കഴിഞ്ഞു. ഇപ്പോൾ ഇരുവർക്കും ഒരു മകനുമുണ്ട്.

സിനിമാ മോഹം മുതൽ ജ​ഗതുമായുള്ള വിവാഹം വരെ അമലയുടെ ജീവിതത്തിൽ സംഭവിക്കുന്ന സാഹചര്യങ്ങളിൽ കുടുംബത്തിൽ നിന്നും പൂർണ പിന്തുണയൊന്നും ലഭിച്ചിരുന്നില്ല. എന്നാൽ, മാതാപിതാക്കൾ എതിർപ്പ് പ്രകടിപ്പിക്കുമ്പോഴും എപ്പോഴും താങ്ങായി നിന്നത് സ്വന്തം സഹോദരൻ അഭിജിത്തായിരുന്നു. അതുകൊണ്ട് തന്നെ, അമലയ്ക്ക സഹോദരനോട് ഒരു പ്രത്യേക സനേഹമാണുള്ളത്.

അമലയുടെ എല്ലാ വികൃതികൾക്കും ഒപ്പം നിൽക്കാറുള്ള ചേട്ടന് ക്യാറ്റ് ബിസ്ക്കറ്റ് നൽകിയ കഥ ഒരു അഭിമുഖത്തിനിടെ വെളിപ്പെടുത്തിയിരിക്കുകയാണ് അമല. തമാശയ്ക്ക് വേണ്ടി ചെയ്തിട്ടുള്ളതും പറഞ്ഞിട്ടുള്ളതുമായ ഏറ്റവും വലിയ കള്ളത്തരം എന്താണെന്ന് ചോദിച്ചപ്പോഴാണ് ചേട്ടനെകൊണ്ട് ക്യാറ്റ് ബിസ്ക്കറ്റ് കഴിപ്പിച്ച കഥ അമല പറഞ്ഞത്.

തമാശയ്ക്കായി കള്ളത്തരം ഏറ്റവും കൂടുതൽ ചെയ്തിട്ടുള്ളതും പറഞ്ഞിട്ടുള്ളതും ചേട്ടനോടാണ്. ഒരിക്കൽ ഞങ്ങൾ എല്ലാവരും ഒരു പാർട്ടിയിൽ പങ്കെടുക്കുകയായിരുന്നു. ചേട്ടൻ അമിതമായി മദ്യപിച്ചിരുന്നു. അന്ന് ഞാൻ ചേട്ടന് കഴിക്കാൻ കൊടുത്തത് എന്റെ ക്യാറ്റ് ബിസ്ക്കറ്റാണ് എന്നാണ് അമല കൂട്ടിച്ചേർത്തത്.

മര്‍ച്ചന്റ് നേവിയില്‍ ഉദ്യോഗസ്ഥനായ അഭിജിത്തിന്റെ വിവാഹം 2021ൽ ആയിരുന്നു. അല്‍ക്ക കുര്യനാണ് അഭിജിത്തിന്റെ ഭാര്യ . ലൈല ഓ ലൈല, ദേവി തുടങ്ങിയ സിനിമകളിൽ അഭിജിത്ത് അഭിനയിച്ചിട്ടുണ്ട്. പിന്നീട് ജോലി തിരക്കുകളും അഭിനയവും ഒരുമിച്ച് മുന്നോട്ട് കൊണ്ടപോകാൻ കഴിയാതെ വന്നതോടെ സിനിമ ഉപേക്ഷിക്കുകയായിരുന്നു.