Amrutha Suresh| 'ഒരായിരം പിറന്നാൾ ഉമ്മ എന്റെ പൊന്നു മോൾക്ക്‌'; അഭിരാമിയുടെ പിറന്നാൾ ആഘോഷമാക്കി അമൃത സുരേഷ്

നിരവധി ആരാധകർ ഉള്ള സഹോദരിമാരാണ് ഗായിക അമൃത സുരേഷും(Amrutha Suresh)അഭിരാമി സുരേഷും(Abhirami suresh). സോഷ്യൽ മീഡിയയിൽ സജീവമായതിനാൽ തന്നെ പലപ്പോഴും സൈബർ ആക്രമണങ്ങൾക്കും ഇരുവരും ഇരയാകാറുണ്ട്.

അത്തരത്തിൽ കഴിഞ്ഞ കുറച്ചു ദിവസങ്ങളായി അമൃതയുടെ വ്യക്തിജീവിതത്തിൽ നടന്ന ചില പ്രശ്നങ്ങളാൽ കുടുംബം സാമൂഹികമാധ്യമത്തിൽ വലിയ രീതിയിൽ വിമർശനങ്ങൾ നേരിടേണ്ടി വന്നിരുന്നു.

എന്നാൽ തങ്ങൾക്കെതിരെയുള്ള അതിക്രമങ്ങളെ സദൈര്യം പ്രതിരോധിച്ചു കൊണ്ട് മുന്നോട്ട് പോവുകയാണ് അമൃതയും അഭിരാമിയും. ഇപ്പോഴിതാ അഭിരാമിയുടെ ജന്മദിനം ആഘോഷിക്കുന്ന വീഡിയോ പങ്കിട്ടിരിക്കുകയാണ് അമൃത സുരേഷ്(Amrutha Suresh).

ഒരായിരം പിറന്നാൾ ഉമ്മ എന്റെ പൊന്നു മോൾക്ക്‌ എന്നാണ് അമൃത വീഡിയോയ്ക്കൊപ്പം സോഷ്യൽ മീഡിയയിൽ കുറിച്ചിരിക്കുന്നത്. നിരവധി പേരാണ് അഭിരാമിക്ക് പിറന്നാൾ ആശംസകളുമായി എത്തുന്നത്.

അഭിരാമിയെ പോലെ ഒരു നല്ലൊരു സഹോദരിയെ അമൃതയ്ക്ക് കിട്ടിയല്ലോ എന്നാണ് ആരാധകർ കുറിക്കുന്നത്. നടൻ ബാലയ്ക്കെതിരെ മകൾ പാപ്പു രംഗത്ത് വന്നു വെളിപ്പെടുത്തിയ കാര്യങ്ങളാണ് സോഷ്യൽ മീഡിയയിൽ അമൃതയും കുടുംബവും വിമർശിക്കപ്പെടാൻ കാരണമായത്.

നടനെ പിന്തുണച്ചും കുറ്റപ്പെടുത്തിയും ഒരു വിഭാഗം നിൽക്കുമ്പോൾ ഇതേ തരത്തിൽ തന്നെ വിമർശിക്കപ്പെടുകയാണ് മുൻ ഭാര്യയും ഗായികയുമായ അമൃതയും മകളും.