‘ഇതെപ്പോഴാ പൊക്കിയത്; ഇവളെ പേടിച്ച് സാരിയൊന്നും കാണുന്നിടത്ത് വയ്ക്കാന്‍ പറ്റാതെയായല്ലോ’; അനശ്വരയെ ട്രോളി അമ്മ

ബാലതാരമായെത്തി മലയാളികളുടെ മനം കവർന്ന് നായികയാണ് അനശ്വര രാജൻ. വ്യത്യസ്തമായ വേഷ പകർച്ച കൊണ്ട് ചുരുങ്ങിയ കാലം കൊണ്ട് തന്നെ മലയാള സിനിമയിൽ തന്റേതായ ഇടം നേടിയെടുക്കാൻ താരത്തിനു സാധിച്ചിട്ടുണ്ട്. പ്രണയ വിലാസമാണ് താരത്തിന്റെ പുതിയ ചിത്രം.

സോഷ്യൽ മീഡിയയിൽ വളരെ സജീവമാണ് അനശ്വര. താരത്തിന്റെ ഓരോ പോസ്റ്റും ആരാധകർ ഇരു കൈയ്യും നീട്ടിയാണ് സ്വീകരിക്കാറുള്ളത്. അവസാനമായി സാരിയിൽ അതീവസുന്ദരിയായ ചിത്രങ്ങളാണ് താരം പങ്കിട്ടത്.

സാരിയില്‍ എത്തിയ താരത്തിന്റെ പോസ്റ്റിനു താഴെ നിരവധി പേരാണ് കമന്റുമായി എത്തിയിരിക്കുന്നത്. എന്നാൽ ആരാധകരുടെ കണ്ണ് പോകുന്നത് ഷ രാജൻ എന്ന് ഇൻസ്റ്റാഗ്രാം അക്കൗണ്ടിലേക്കായിരിക്കും.

താരത്തിന്റെ അമ്മ ഉഷ രാജൻ പങ്കുവച്ച കമന്റാണ് സമൂഹ മാധ്യമങ്ങളിൽ വൈറലാകുന്നത്. അനശ്വരയെ ട്രോളിയിരിക്കുകയാണ് അമ്മ ഉഷ.

‘‘ദിവസവും സാരിയുടുക്കാനുള്ള സഹജമായ സ്ത്രീ വാസന’’ എന്ന തലക്കെട്ടിലാണ് അനശ്വര സാരിയുടുത്ത ചിത്രങ്ങൾ ഇൻസ്റ്റാഗ്രാമിൽ പങ്കുവച്ചത്.

ഈ പോസ്റ്റിനു താഴെയാണ് അമ്മയുടെ മറുപടി വന്നത്. ‘‘ഇതെപ്പോഴാ പൊക്കിയത്. ഇവളെ പേടിച്ച് സാരിയൊന്നും കാണുന്നിടത്ത് വയ്ക്കാന്‍ പറ്റാതെയായല്ലോ’’–ഇതായിരുന്നു ഉഷ രാജന്റെ കമന്റ്.