ആ എന്നിട്ട്; ജോലിയുള്ള കാമുകിക്കൊപ്പം ജ്യൂസ് കുടിക്കാൻ കേറിയ തൊഴിൽരഹിതനായ പെപ്പെ, ബില്ല് വന്നപ്പോൾ...

എത്ര സിനിമകൾ കഴിഞ്ഞാലും ആന്റണി വർഗീസ് (Antony Varghese Pepe) എന്നാൽ മലയാളി പ്രേക്ഷകർക്കും ആരാധകർക്കും അങ്കമാലിയിലെ പെപ്പെ തന്നെയാണ്. നീണ്ട ചുരുളൻ മുടിക്കാരനായി എത്തി പ്രേക്ഷകരുടെ മനം കവർന്ന പെപ്പെയുടെ മനസ്സ് കവർന്നത് പക്ഷേ അനീഷ പൗലോസ് എന്ന പെൺകൊടിയാണ്. 2021ൽ ആന്റണി അനിഷയെ ജീവിത സഖിയാക്കി

സിനിമയിൽ തിളങ്ങുന്ന നേരത്താണ് അനിഷയെ ആന്റണി വിവാഹം ചെയ്തത്. എന്നാൽ സിനിമയുടെ വെള്ളിവെളിച്ചം വീഴുന്നതിനും മുൻപേ അനിഷ പെപ്പെയുടെ കൂടെയുണ്ട്. അതും പറയാനൊരു ജോലികൂടി ഇല്ലാതിരുന്ന നാളുകളിൽ. അതാണ് ഇക്കുറി പെപ്പെയുടെ വാലെന്റൈൻസ് ദിന പോസ്റ്റും. ആന്റണി പറയുന്നത് കേൾക്കാം (തുടർന്ന് വായിക്കുക)

ഒൻപത് വർഷം മുൻപുള്ള കഥയും ചിത്രവുമാണ്. ഇരുവരും ഒരു ജ്യൂസ് ഷോപ്പിൽ കേറി ജ്യൂസ് കുടിക്കുന്ന ചിത്രമാണ് അതിലൊന്ന്. വലിയ ക്വാളിറ്റി ക്യാമറ ഒന്നുമല്ല. സാധാരണ ചിത്രം. മറ്റൊന്നിൽ പെപ്പെ അനിഷയെ ചേർത്ത് നിർത്തി മുത്തം നൽകുന്നു

'ഹാപ്പി വാലെന്റൈൻസ് ഡേ മൈ ഡിയർ ഖുറേഷി. ഒരു ഒൻപത് വർഷം മുൻപ് തൊഴിൽ രഹിതനായ ഞാനും ജോലിയുള്ള അവളും പ്രണയദിനം ആഘോഷിക്കാൻ പോയപ്പോൾ... ബില്ല് വന്നപ്പോൾ മുങ്ങിയ ഞാൻ പിന്നെ പൊങ്ങിയത് ബസ് സ്റ്റോപ്പിലാണ്' എന്ന് പെപ്പെ

ആനപ്പറമ്പിലെ വേൾഡ് കപ്പ്, ഓ മേരി ലൈല, പൂവൻ, ചാവേർ തുടങ്ങിയ സിനിമകളാണ് പെപ്പെയുടെ ഏറ്റവും പുതിയ സിനിമകൾ

ആന്റണി വർഗീസ് പെപ്പെയും ഭാര്യ അനിഷയും