Arya Parvathy | 23-ാം വയസ്സിലെ ചേച്ചി; ആര്യ പാർവതിയുടെ കുഞ്ഞനുജത്തിക്ക് പേരിടീലും കാതുകുത്തും

വളരെ രസകരമായ ഒരു വിശേഷവുമായാണ് നടിയും നർത്തകിയുമായ ആര്യ പാർവതി (Arya Parvathy) അടുത്തിടെ വാർത്താ തലക്കെട്ടുകളിൽ നിറഞ്ഞത്. 23-ാം വയസ്സിൽ പാർവതി ഒരു ചേച്ചിയമ്മയാവുന്നു. അമ്മയുടെ 47-ാം വയസ്സിൽ തനിക്കൊരു കുഞ്ഞനുജത്തിയോ അനുജനോ പിറക്കാൻ പോകുന്നു എന്ന സന്തോഷ വാർത്ത മറ്റാരും പറയാതെ ആര്യ തന്നെ തന്റെ ഇൻസ്റ്റഗ്രാം പേജിലൂടെ ലോകത്തെ അറിയിച്ചു

ആര്യയ്ക്ക് കിട്ടയതാകട്ടെ, തങ്കക്കുടം പോലൊരു കുഞ്ഞനുജത്തി. ഏറ്റവും പുതിയ വിശേഷം കുഞ്ഞുവാവയുടെ പേരിടീൽ ചടങ്ങും കാതുകുത്തലുമാണ്. സുന്ദരിയായി അണിഞ്ഞൊരുങ്ങി ആര്യയും കുഞ്ഞുവാവയ്ക്കൊപ്പം കൂടി (തുടർന്ന് വായിക്കുക)

പാലു വാവ എന്നാണ് ആര്യ അനിയത്തിക്കുട്ടിയെ വിളിക്കുന്നത്. കുഞ്ഞുവാവയുടെ കാതുകുത്തലിന് ആര്യയാണ് അവളെ മടിയിലിരുത്തിയത്. അമ്മയ്‌ക്കെന്ന പോലെ വിഷമം തോന്നിയ നിമിഷം എന്നാണ് പാലുവിന്റെ കാതുകുത്തലിനെ ചേച്ചി വിശേഷിപ്പിച്ചത്

പാലുവിന്റെ യഥാർത്ഥ പേര് ആദ്യ പാർവതി എന്നാണ്. വാവയെ പരിചയപ്പെടുത്തുന്ന ഒട്ടേറെ ചിത്രങ്ങളുമായി ആര്യ ഇൻസ്റ്റഗ്രാമിൽ എത്തിച്ചേർന്നു

അമ്മ എട്ടുമാസം ഗർഭിണിയായിരുന്നപ്പോഴാണ് താൻ അക്കാര്യം മനസിലാക്കിയത് എന്ന് ആര്യ. ഗർഭിണിയെന്ന് അമ്മ അറിയുന്നത് തന്നെ ഏഴാം മാസത്തിലാണെന്ന് ആര്യ. മകൾ എങ്ങനെ പ്രതികരിക്കും എന്നറിയാതെ അച്ഛനും അമ്മയും ആദ്യം ആര്യയിൽ നിന്ന് ഇക്കാര്യം മറച്ചുവയ്ക്കുകയായിരുന്നുവത്രെ

ഫോണിലൂടെ അച്ഛൻ വിഷയം അവതരിപ്പിച്ചപ്പോൾ ആര്യ തുടക്കത്തിൽ ഞെട്ടി. എന്നാൽ നാണക്കേട് എന്ന് കരുതിയില്ല. താൻ വർഷങ്ങളായി ആഗ്രഹിച്ച കാര്യമാണ് അപ്പോൾ മുന്നിൽ വന്നതെന്നും ആര്യ

വളരെ പതിയെ സുഹൃത്തുക്കളോടും കുടുംബാംഗങ്ങളോടും കാര്യം അവതരിപ്പിച്ചു. ചിലർ അവഹേളിക്കുന്ന കമന്റുകൾ പാസാക്കി എങ്കിലും അവരെ അവഗണിക്കാൻ പഠിച്ചു എന്ന് ആര്യ പറഞ്ഞിരുന്നു

ആര്യ പാർവതി അനുജത്തി ആദ്യ പാർവതിക്കൊപ്പം