'ഞാൻ നടിയാണ്, കയ്യിൽ പേനയും പേപ്പറും'; റോഡിൽ അലഞ്ഞു തിരിഞ്ഞു നടന്ന നടിയെ രക്ഷപ്പെടുത്തി

അലഞ്ഞു തിരിഞ്ഞു നടക്കുന്ന ഒരു സ്ത്രീ ഇംഗ്ലീഷ് നന്നായി സംസാരിക്കുന്നു. ഇത് കേൾക്കുന്ന നാട്ടുകാരും ഞെട്ടിപോകുന്നു. ഇത്തരത്തിലെ ഒരു വീഡിയോയാണ് ഇപ്പോൾ സോഷ്യൽമീഡിയയിൽ വൈറലാകുന്നത്. ഈ സ്ത്രീ ആരാണെന്ന് നിങ്ങൾക്കറിയാമോ?

ഒരുകാലത്ത് ജനപ്രിയ ബംഗാളി ടിവി സീരിയലിൽ അഭിനയിച്ചിരുന്ന നടിയാണ്. ഇപ്പോൾ പരസ്പരവിരുദ്ധമായി സംസാരിക്കുയും തെരുവുകളിൽ അലഞ്ഞു തിരിയുകയുമാണ് ഇവർ.

കറുത്ത ഷർട്ടും ഷോർട്ട്സും ധരിച്ച്, പാറിപ്പറന്ന മുടിയുമായി കയ്യിൽ പേപ്പറും പേനയുമായാണ് യാത്ര. ബംഗാളി നടി സുമി ഹർ ചൗധരിയാണ് മനോനില തെറ്റിയ നിലയിൽ മേൽവിവരിച്ച സാഹചര്യത്തിൽ കണ്ടെത്തിയത്.

ബർദ്വാൻ-അരംബാഗ് സംസ്ഥാന പാതയിലൂടെ അലഞ്ഞുനടക്കുന്ന സുമിയെ ആദ്യം പ്രദേശവാസികൾക്ക് തിരിച്ചറിയാൻ കഴിഞ്ഞിരുന്നില്ല. മാനോനില തെറ്റിയ നിലയിലായിരുന്നു. സീരിയലുകളിൽ അഭിനയിക്കുന്നുണ്ടെന്ന് പറഞ്ഞുകൊണ്ടിരുന്നു. ആദ്യം ഞങ്ങൾ വിശ്വസിച്ചില്ല. പിന്നീട് സമൂഹമാധ്യമങ്ങളിൽ തിരഞ്ഞപ്പോഴാണ് ഇവർ നടിയാണെന്ന് മനസിലായത്.

പ്രദേശവാസികളുടെ ചോദ്യത്തിന് പരസ്പര വിരുദ്ധമായ ഉത്തരങ്ങളാണ് സുമി നൽകിയത്. പുർബ ബർധമാനിലെ ഖന്ദഘോഷിൽ അവർ എങ്ങനെയാണ് എത്തിയതെന്ന് ഇതുവരെ വ്യക്തമായിട്ടില്ല.

പ്രദേശവാസികൾ വിവരം അറിയിച്ചതിനെ തുടർന്ന് പൊലീസ് സ്ഥലത്തെത്തി ഷെൽട്ടർ ​ഹോമിലേക്ക് മാറ്റി. നടിയെ സുരക്ഷിത സ്ഥലത്തേക്ക് മാറ്റിയതിന് പിന്നാലെ ബന്ധുക്കളെ കണ്ടെത്താനുള്ള ശ്രമത്തിലാണ് ഉദ്യോ​ഗസ്ഥർ.

ജനപ്രിയ ബംഗാളി ചിത്രങ്ങളായ ദ്വിതിയോ പുരുഷ്, നസീറുദ്ദീൻ ഷാ അഭിനയിച്ച ഖാഷി കഥ: എ ആട് സാഗ എന്നിവയിലും രൂപസാഗോർ മോനേർ മാനുഷ്, തുമി ആഷേ പാഷേ തക്ലെ തുടങ്ങിയ ടിവി സീരിയലുകളിലും ഇവർ അഭിനയിച്ചിട്ടുണ്ട്.