Bhamaa | പിറന്നാളിന് ഭർത്താവും മകളും എവിടെ? ചോദ്യത്തിന് ഭാമ മറുപടി നൽകുന്നു

നടി ഭാമയുടെ (Bhamaa) പിറന്നാളായിരുന്നു കഴിഞ്ഞ ദിവസം. വളരെ കളർഫുളായ ആഘോഷത്തിന്റെ ചിത്രങ്ങളും വീഡിയോയും ഭാമ ഇൻസ്റ്റഗ്രാമിൽ പോസ്റ്റ് ചെയ്തു. ഒരു പ്രത്യേക തീമിൽ ചെയ്ത പിറന്നാൾ ആഘോഷത്തിന് വ്യത്യസ്ത ഗെയിമുകളും അരങ്ങേറി. ഡാൻസും ഒപ്പനയും ചേർന്ന ആഘോഷം കൂടിയായിരുന്നു ഇത്. ഭാമയാണ് മണവാട്ടിയായി ഒരു കസേരയിലിരുന്നത്‌

ജീവിതം മുമ്പത്തേതിലും മനോഹരമാക്കിയതിന് തന്റെ കുടുംബം, സുഹൃത്തുക്കൾ, മകൾ ഗൗരി എന്നിവർക്ക് ഭാമ നന്ദി പറയുന്നു. എന്നാൽ ആഘോഷത്തിലെങ്ങും മകളെയോ ഭർത്താവ് അരുണിനെയോ കണ്ടില്ല. ചിത്രങ്ങളിലും വീഡിയോയിലും അവരില്ല (തുടർന്ന് വായിക്കുക)

ഭാമയും അരുണും തമ്മിൽ പിരിഞ്ഞെന്ന തരത്തിൽ ഏറെക്കാലം വാർത്തകൾ പ്രചരിച്ചു. ഭാമ സോഷ്യൽ മീഡിയയിൽ നിന്നും അരുൺ കൂടെയുള്ള ചിത്രങ്ങൾ നീക്കം ചെയ്തത് ഊഹാപോഹങ്ങൾക്ക് ആക്കം കൂട്ടുകയുണ്ടായി. പിന്നീടുള്ള പോസ്റ്റുകളിൽ മകളും, സഹോദരിമാരുടെ മക്കളും ഒക്കെയാണ് ഉണ്ടായിരുന്നത്

പക്ഷെ കുറച്ചു കഴിഞ്ഞതും ആ ചിത്രങ്ങളിൽ പലതും വീണ്ടും ഭാമയുടെ ഇൻസ്റ്റഗ്രാം പേജിൽ തിരികെയെത്തി. വിവാഹ ചിത്രങ്ങളും, മകൾ ഗൗരിയും അരുണും കൂടെയുള്ള ചിത്രങ്ങളും വീണ്ടും പ്രത്യക്ഷപ്പെട്ടു

ഭാമയുടെ പിറന്നാൾ ചിത്രങ്ങൾ വന്നതും ഒരു ആരാധകൻ അരുണിനെയും ഗൗരിയേയും അന്വേഷിച്ച് കമന്റുമായെത്തി. ബർത്ത്ഡേ പാർട്ടിക്ക് അവർ രണ്ടുപേരും എവിടെ എന്നാണ് ചോദ്യം.  ഭാമ ആ ചോദ്യത്തിൽ നിന്നും ഒഴിഞ്ഞു മാറിയില്ല. കൃത്യമായി മറുപടി നൽകി

ഭാമ ഒരു ഷൂട്ടിങ്ങിനായി പോയ വേളയിലായിരുന്നു പിറന്നാൾ ആഘോഷം. അത് നടന്നത് കോഴിക്കോട് വച്ചായിരുന്നു. ഭർത്താവും മകളും കൊച്ചിയിലുണ്ട് എന്ന് ഭാമ

വിവാഹം കഴിഞ്ഞതില്പിന്നെ ഭാമ സിനിമാഭിനയം നിർത്തിയിരുന്നു. മടങ്ങിവരവ് എപ്പോഴാകും എന്ന കാര്യത്തിൽ ഭാമ ഇതുവരെയും പ്രതികരിച്ചിട്ടില്ല. ശേഷം സാരി ബ്രാൻഡായ 'വാസുകി ബൈ ഭാമ' അടുത്തിടെ ആരംഭിച്ചിരുന്നു

ഇൻസ്റ്റഗ്രാം പോസ്റ്റിൽ ഉയർന്ന ചോദ്യവും, അതിന് ഭാമ നൽകിയ മറുപടിയും