'ചിലപ്പോൾ ആ ഒരു ദിവസമായിരിക്കും അങ്ങനെ തോന്നിയിട്ടുണ്ടാകുക'; വികാരഭരിതയായി ഭാവന പറഞ്ഞത്

മലയാളികൾക്ക് ഏറെ പ്രിയങ്കരിയായ നടിയാണ് ഭാവന. തന്റെ ജീവിതത്തിലെ ഏറ്റവും മോശമായ ഘട്ടത്തെ ധൈര്യപൂർവ്വം നേരിട്ട് അവ തരണം ചെയ്ത് കൊണ്ട് മുന്നോട്ട് പോകുന്ന താരം പലർക്കും ഒരു ഇൻസ്പിരേഷൻ തന്നെയാണ്.

ജീവിതപ്രതിസന്ധികളെ എങ്ങനെ പുഞ്ചിരിച്ചു കൊണ്ട് നേരിടാമെന്നതിന് ഉത്തമ ഉദാഹരണമാണ് ഭാവന. എങ്കിലും പലപ്പോഴും താൻ മാനസികമായി തളർന്നു പോകാറുണ്ടന്ന് പറയുകയാണ് താരം.

എല്ലാവരേയും പോലെ മൂഡ് സ്വീങ്‌സും, വിഷമങ്ങളും ഒക്കെ വരുന്നയാളാണ് താനും. ഇടയ്ക്കിടെ മൂഡ് ചെയ്ഞ്ച് ആകും. അതിന് ഇത് വരെ ഒരു അവസാനമുണ്ടായിട്ടില്ലെന്ന് താരം പറയുന്നു. ആരേയും നമുക്ക് പുറത്ത് നിന്ന് ജഡ്ജ് ചെയ്യാൻ സാധിക്കില്ല.

ഒരു ചിരിക്കുന്ന ഫോട്ടോ പോസ്റ്റ് ചെയ്തത് കൊണ്ടോ, സന്തോഷം നൽകുന്ന സ്റ്റാറ്റസ് ഇട്ടതു കൊണ്ടോ അവർ സന്തോഷത്തിലാണെന്ന് കരുതാൻ സാധിക്കില്ല. ചിലപ്പോൾ ആ ഒരു ദിവസമായിരിക്കും അങ്ങനെ തോന്നിയിട്ടുണ്ടാകുക. ആ സമയത്തെ സന്തോഷത്തിന് അങ്ങനെ ചെയ്ത് കാണും. എന്ന് കരുതി അവർ ജീവിതത്തിൽ എപ്പോഴും സന്തോഷവാനായിരിക്കില്ല.

എന്റെ സങ്കടങ്ങളെ ഞാൻ പുറത്ത് കാണിക്കാറില്ലെന്ന് മാത്രം കാരണം ആളുകൾ അത് എങ്ങിനെ ജഡ്ജ് ചെയ്യുമെന്ന് പറയാൻ സാധിക്കില്ല. തന്റെ ജീവിത്തിലെ വേദ​നകളും മുറിവുകളും അത് മരണം വരെ അവിടെ ഉണ്ടാകുമെന്നും ഭാവന പറയുന്നു.

അതിന് ഉദാഹരണമായി തന്റെ പിതാവിന്റെ മരണമാണ് ഭാവന പറഞ്ഞത്. അച്ഛൻ മരിച്ചത് തനിക്ക് ഏറെ വിഷമമുണ്ടാക്കിയ കാര്യമാണ്. അതിപ്പോഴും മനസ്സിലെ വേദന തന്നെയാണ്. ഞാൻ മരിക്കുന്നത് വരെ അത് മാറുമെന്ന് തോനുന്നില്ലെന്നും ഭാവന പറഞ്ഞു.