Leo movie | വിജയ്, ലോകേഷ് കനകരാജ് ചിത്രം 'ലിയോ' സെറ്റിൽ വിയോഗദുഃഖം; അമ്മയുടെ മരണവാർത്തയറിഞ്ഞ് ചെന്നൈക്ക് മടങ്ങി ഛായാഗ്രാഹകൻ

ലോകേഷ് കനകരാജ് സംവിധാനം ചെയ്യുന്ന 'ലിയോ' (Leo) സിനിമയുടെ ചെന്നൈയിലെ ഷൂട്ടിംഗ് ഷെഡ്യൂളിൽ നടൻ വിജയ്, നടി തൃഷ എന്നിവരുടെ ഭാഗങ്ങൾ ചിത്രീകരിച്ചു കഴിഞ്ഞിരുന്നു. അതിനു ശേഷം മുഴുവൻ ക്രൂവും കാശ്മീരിലേക്ക് പോയി. എന്നാൽ തീർത്തും ആകസ്മികമായ നിര്യാണത്തെ തുടർന്ന് സിനിമയുടെ പ്രധാന അണിയറപ്രവർത്തകനായ സിനിമാട്ടോഗ്രാഫർ മനോജ് പരമഹംസയ്‌ക്ക്‌ നാട്ടിലേക്ക് മടങ്ങേണ്ടതായി വന്നു

അമ്മയുടെ മരണത്തെത്തുടർന്ന് മനോജ് ചെന്നൈയിലേക്ക് മടങ്ങി എന്നാണ് ഏറ്റവും പുതിയ റിപ്പോർട്ട്. ഫെബ്രുവരി 18നാണ് മനോജിന്റെ അമ്മയുടെ മരണം. അമ്മയുടെ അന്ത്യകർമ്മങ്ങൾ ചെയ്യുക മനോജ് ആണ്. കുറച്ചു ദിവസങ്ങൾ കഴിഞ്ഞേ മടക്കമുണ്ടാകൂ. എന്നാൽ അതുവരെ സിനിമ എങ്ങനെ മുന്നോട്ടു കൊണ്ടുപോകണം എന്ന കാര്യത്തിൽ നിർണായക തീരുമാനം വേണ്ടിവരും (തുടർന്ന് വായിക്കുക)

മനോജ് മടങ്ങിവരുന്നത് വരെ മറ്റൊരാൾ ക്യാമറ കൈകാര്യം ചെയ്യേണ്ടിവരും. 'ഈരം' എന്ന സിനിമയിലൂടെയാണ് മനോജിന്റെ സിനിമാ ജീവിതത്തിനു തുടക്കം. അതിനു ശേഷം വിണ്ണൈത്താണ്ടി വരുവായ, നൻബൻ, രാധേ ശ്യാം, ബെസ്റ്റ്, ധ്രുവനച്ചത്തിരം സിനിമകളുടെ ഭാഗമായി

വിജയ്‌യുടെയും ലോകേഷിന്റെയും ലിയോയെ സംബന്ധിച്ചിടത്തോളം, ആരാധകർക്കിടയിൽ വലിയ പ്രതീക്ഷയാണ് ഉള്ളത്. സഞ്ജയ് ദത്ത് കോളിവുഡിൽ അരങ്ങേറ്റം കുറിക്കുന്ന ഈ ചിത്രത്തിൽ അദ്ദേഹം വില്ലൻവേഷം കൈകാര്യം ചെയ്യും

ഇത് കൈതിയുടെയും വിക്രമിന്റെയും യൂണിവേഴ്സിലാകുമോ നിർമ്മിക്കുക എന്നതാണ് മറ്റൊരു ആകാംക്ഷയാണ്. ഈ സിനിമകളിലെ വലിയ താരങ്ങൾ ലിയോയിൽ അതിഥി വേഷത്തിൽ എത്തിയേക്കാം

ഫെബ്രുവരി 3ന് 'ബ്ലഡി സ്വീറ്റ്' എന്ന പ്രൊമോയിലൂടെ ചിത്രത്തിന്റെ പേര് പ്രഖ്യാപിച്ചു. അനിരുദ്ധ് രവിചന്ദർ ചിത്രത്തിന് സംഗീതമൊരുക്കും. ചിത്രം ഒരു ആക്ഷൻ എന്റർടെയ്‌നറായിരിക്കും. 40-കളുടെ അവസാനം പ്രായമുള്ള ഗ്യാങ്സ്റ്ററായാവും വിജയ് അഭിനയിക്കുക