കെട്ടിവച്ച വയറ്, ഹൈ ഹീൽ ചെരുപ്പ്; എന്തൊക്കെയായിരുന്നു! രൺവീറിനൊപ്പം നിറവയറുമായി ദീപിക പദുകോൺ

റിലീസാവും മുൻപേ ബഹുഭാഷാ ചിത്രം കൽക്കി 2898 ADയുടെ പ്രൊമോഷനിൽ പങ്കെടുത്ത ദീപിക പദുക്കോണിന്റെ (Deepika Padukone) ചിത്രങ്ങൾ വിവാദങ്ങൾക്ക് പാത്രമായിരുന്നു. പൂർണ ഗർഭിണിയായ ദീപിക കൂർത്ത മുനയുള്ള ഹീൽ ചെരുപ്പുകൾ ധരിച്ച് പ്രൊമോഷനിൽ പങ്കെടുത്തതാണ് വിവാദങ്ങൾക്ക് കാരണം. ഗർഭിണികൾ ഇങ്ങനെയുള്ള ചെരുപ്പ് ധരിക്കാൻ പാടില്ല എന്നും, ദീപികയുടേത് കെട്ടിവച്ച ഗർഭമാണ് എന്നുമുള്ള ആരോപണം എവിടെയും പ്രചരിച്ചു

എന്നാൽ അവർക്കെല്ലാം ഇന്ന് ദീപികയുടെ പക്കൽ മറുപടിയുണ്ട്. ഗർഭിണിയായി അഭിനയിച്ച ചിത്രം കൂടിയായ 'കൽക്കി 2898AD'യിൽ ദീപിക നടനും ഭർത്താവുമായ രൺവീർ സിംഗിനും കുടുംബത്തിനുമൊപ്പം സിനിമയുടെ പ്രത്യേക പ്രദർശനത്തിൽ പങ്കെടുത്തു (തുടർന്ന് വായിക്കുക)

മുംബൈയിലെ ഒരു പിവിആർ തിയേറ്ററിൽ നടിയും ഭർത്താവും എത്തുന്ന ഫോട്ടോകൾ സോഷ്യൽ മീഡിയയിൽ പ്രചരിക്കുന്നുണ്ട്. സ്‌ക്രീനിംഗ് വേദിയിൽ പ്രവേശിക്കുന്നതിന് മുമ്പ് പാപ്പരാസികൾക്ക് നേരെ സന്തോഷവതിയായ ദീപിക കൈവീശി കാണിച്ചു

വെളുത്ത ടീ ഷർട്ടും നീല നിറത്തിലുള്ള ഡിസ്‌ട്രെസ്ഡ് ജീൻസും ധരിച്ച ദീപിക, വെളുത്ത വരകളുള്ള ഒരു വലിയ കറുത്ത ബ്ലേസറും അണിഞ്ഞിട്ടുണ്ട്. മേക്കപ്പ് വളരെ കുറച്ചു മാത്രമേ ദീപികയുടെ മുഖത്തുള്ളൂ. ഭർത്താവ് രൺവീർ സിംഗ് മുഴുവനും കറുപ്പ് നിറമുള്ള ഒരു വസ്ത്രമാണ് ധരിച്ചത്

പ്രഭാസ്, അമിതാഭ് ബച്ചൻ, ദീപിക പദുക്കോൺ എന്നിവർ അഭിനയിച്ച കൽക്കി 2898 ADയുടെ വിജയം ബോക്‌സോഫീസ് പ്രതീക്ഷകളെ തകർക്കുന്ന മിന്നും പ്രകടനം കാഴ്ചവെച്ചു കഴിഞ്ഞു. തിങ്കളാഴ്ച ചിത്രം റെക്കോർഡ് കളക്ഷൻ നേടി. റിലീസ് ചെയ്ത് അഞ്ചാം ദിവസം ലോകമെമ്പാടുമായി ഏകദേശം 80 കോടിയിലധികം രൂപ ഈ ചിത്രം നേടി

Sacnilk റിപ്പോർട്ട് പ്രകാരം, കൽക്കി 2898 AD തിങ്കളാഴ്ച എല്ലാ ഭാഷകളിലുമായി ഇന്ത്യയിൽ 34.6 കോടിയിലധികം രൂപ നേടി. ലോകമെമ്പാടുമുള്ള കളക്ഷൻ 45-50 കോടി രൂപയിൽ ആയിരുന്നപ്പോൾ, ചിത്രത്തിന്റെ മൊത്തം കളക്ഷൻ 600 കോടി രൂപയായിരുന്നു

സെപ്റ്റംബർ മാസത്തിൽ കുഞ്ഞ് പിറക്കും എന്നാണ് ദീപികയും രൺവീറും സോഷ്യൽ മീഡിയയിൽ പോസ്റ്റ് ചെയ്ത കാർഡ് പ്രകാരം നൽകിയ വിവരം. 2018 നവംബർ മാസത്തിലായിരുന്നു ദീപികയുടെയും രൺവീർ സിംഗിന്റെയും വിവാഹം