ദളപതി വിജയ് എനിക്ക് ഭാര്യയെപ്പോലെയാണ്; ഷാരൂഖ് എനിക്ക് അമ്മയെപ്പോലെയും; സംവിധായകൻ അറ്റ്ലി

തമിഴിൽ തുടങ്ങി ബോളിവുഡിൽ വരെ തന്റെ വിജയം കുറിച്ച സംവിധായകനാണ് അറ്റ്ലി. ഇന്ത്യൻ സിനിമയിൽ പത്ത് വർഷം പൂർത്തിയാക്കുമ്പോള്‍ 5 സൂപ്പർ ഹിറ്റ് സിനിമകളാണ് ആറ്റ്ലീ സംവിധാനം ചെയ്തത്.

ഇതിൽ സൂപ്പർസ്റ്റാർ ദളപതി വിജയ്‌ക്കൊപ്പവും ജവാനിലൂടെ ഷാരൂഖ് ഖാനൊപ്പവും ചേർന്ന് ആരാധകർക്കിടയിൽ ആറ്റ്ലി താരമായി മാറി. ഏറ്റവും ഒടുവിൽ പുറത്തിറങ്ങിയ ജവാൻ കളക്ഷൻ റെക്കോർഡുകൾ ഭേദിച്ച് ഇപ്പോഴും കുതിപ്പ് തുടരുന്നു.

ആഗോള തലത്തിൽ 1,100 കോടി വാരിക്കൂട്ടിയപ്പോൾ ഇന്ത്യന്‍ ആഭ്യന്തര ബോക്സോഫീസില്‍ 600 കോടി രൂപയും ചിത്രം നേടി. ഇപ്പോൾ‌ ആരാധകർക്കിടയിൽ അറ്റലി തരംഗമായി മാറിയിരിക്കുകയാണ്.

ഇതിനിടെയിൽ താരം പറഞ്ഞ ഒരു വാക്കാണ് ആരാധകർ ഏറ്റെടുത്തിരിക്കുന്നത്. അറ്റ്ലിയോട് ഷാരൂഖിനെയാണോ, വിജയിയെ ആണോ താങ്കല്‍ ഒരു ഘട്ടത്തില്‍ തിരഞ്ഞെടുക്കുക എന്ന അവതാരകയുടെ ചോദ്യത്തിനുള്ള ഉത്തരമാണ് ആരാധകരിൽ ആകാംഷയുണർത്തിയത്.

അടുത്തിടെ ഇന്ത്യടുഡേ കോണ്‍ക്സേവില്‍ പങ്കെടുത്ത് സംസാരിക്കുന്നതിനിടെയിലാണ് അറ്റ്ലിയുടെ മറുപടി. ദളപതി വിജയ് എനിക്ക് ഭാര്യയെപ്പോലെയാണ്, അതേ സമയം ഷാരൂഖ് എനിക്ക് അമ്മയെപ്പോലെയും.

ഒരുഘട്ടത്തിലും എനിക്ക് ഒരാളെ ഉപേക്ഷിക്കാന്‍ സാധിക്കില്ല. എനിക്ക് അവരെ രണ്ടുപേരെയും അടുത്ത് തന്നെ നിര്‍ത്തേണ്ടി വരുമെന്ന് അറ്റ്ലി പറഞ്ഞു. ഈ രാജ്യത്ത് പല സംവിധായകരുണ്ട്. എന്നാല്‍ ഷാരൂഖ് എന്നെ വിളിച്ച് ഒരു ചിത്രം ചെയ്യാന്‍ പറഞ്ഞു. അതായത് അദ്ദേഹം എന്നെ വിശ്വസിച്ചു.

പക്ഷെ അതിന്‍റെ കാരണം ഇന്നും എനിക്കറിയില്ല. എന്നാല്‍ അത് ജവാന്‍ വിശ്വസ്തതയോടെയും സ്നേഹത്തോടെയും പൂര്‍ത്തിയാക്കാന്‍ എന്നെ പ്രാപ്തനാക്കി. 2019 ല്‍ തന്നെ അദ്ദേഹം ചെന്നൈയില്‍ വന്ന് ചിത്രത്തിന്‍റെ ജോലികള്‍ ഞങ്ങള്‍ ആരംഭിച്ചിരുന്നുവെന്നും അറ്റ്ലി പറഞ്ഞു.

ദളപതി വിജയ് കാരണമാണ് താൻ ഇന്ന് നിൽക്കുന്നതെന്നും. അദ്ദേഹം തനിക്ക് ബാക്ക് ടു ബാക്ക് സിനിമകൾ തന്നിട്ടുണ്ടെന്നും. അദ്ദേഹം തന്നെ ശരിക്കും വിശ്വസിച്ചുവെന്നും അറ്റ്ലി പറഞ്ഞു.