മാലിദ്വീപിൽ ബേബി മൂൺ ആഘോഷിച്ച് ദിയ കൃഷ്ണ; ബിക്കിനി ചിത്രങ്ങൾ വൈറൽ

അമ്മയാകാൻ പോകുന്നതിന്റെ സന്തോഷത്തിലാണ് ദിയ കൃഷ്ണ. ​ഗർഭകാലത്തെ ഓരോ ചെറിയ സന്തോഷങ്ങളും ദിയ കൃഷ്ണ സോഷ്യൽമീഡിയയിൽ പങ്കുവയ്ക്കാറുണ്ട്. ഇപ്പോഴിതാ, കുഞ്ഞിന്റെ ജനനത്തിന് തൊട്ടുമുന്നെയുള്ള അവധി ആഘോഷത്തിന്റെ ചിത്രങ്ങളാണ് താരം പങ്കുവച്ചിരിക്കുന്നത്.

മാലിദ്വീപിലാണ് ദിയയും അശ്വിനും അവധി ആഘോഷിക്കുന്നത്. കടലിന്റെ പശ്ചാത്തലത്തിൽ അശ്വിനോടൊപ്പം നിൽക്കുന്ന മനോഹരമായ ചിത്രങ്ങളാണ് പങ്കുവച്ചിരിക്കുന്നത്. ബിക്കിനി വേഷത്തിൽ വയർ കാണുന്ന തരത്തിലുള്ളതാണ് ചിത്രങ്ങൾ.

ബേബി മൂൺ കഴിഞ്ഞു എന്ന ക്യാപ്ഷനോടെയാണ് ദിയ ചിത്രങ്ങൾ പങ്കുവച്ചത്. എന്റെ ഓക്കെ കണ്ണമ്മ എന്ന ക്യാപ്ഷനോടെയായിരുന്നു അശ്വിൻ ചിത്രങ്ങൾ പങ്കുവച്ചത്.

അക്വാ ബ്ലൂ ബ്രാലെറ്റും സൈഡ് ഓപ്പൺ നെറ്റ് സ്കേർട്ടുമാണ് ദിയ ധരിച്ചിരുന്നത്. നിറവയറിൽ കൈവച്ചാണ് ദിയ ചിത്രങ്ങൾക്ക് പോസ് ചെയ്തിരിക്കുന്നത്. സിംപിൾ മേക്കപ്പാണ്. ന്യൂഡ് ഷെയ്ഡ് ലിപ്സ്റ്റിക്. റിങ് കമ്മലും ബ്രേസ്‌ലറ്റും മാത്രമായിരുന്നു ആക്സസറീസ്.

ചിത്രങ്ങൾ പങ്കുവച്ച് നിമിഷനേരങ്ങൾക്കുള്ളിൽ തന്നെ ചിത്രങ്ങൾ വൈറലായിരുന്നു. അശ്വിൻ ചേട്ടൻ സിക്സ് പാക്ക് ആയാൽ ഭം​ഗി ഉണ്ടായിരിക്കുമെന്നാണ് ഒരാൾ കമന്റ് ചെയ്തത്.

ദിയയ്ക്കും അശ്വിനും എല്ലാവിധ ആശംസകളും നേരുന്നു, ജീവിതത്തിലെ ഏറ്റവും മനോഹരമായ നിമിഷങ്ങൾ എന്നൊക്കെയായിരുന്നു കമന്റുകൾ.