മോഡൽ ആകാനില്ല; ഇറ്റലിയിലെ സുന്ദരികളുടെ കണ്ണിലുണ്ണി അച്ചൻ പട്ടത്തിന് പോകുന്നു

മോഡലിങ്ങിന്റെ ഗ്ലാമർ ലോകം വേണ്ടെന്നു വെച്ച് ആത്മീയപാതയിലേക്ക് തിരിഞ്ഞ് ഇറ്റലിയിലെ ഏറ്റവും സുന്ദരനായ യുവാവ്. 21 കാരനായ എദ്വാർദോ സന്റീനി എന്ന യുവാവാണ് ആത്മീയ വഴിയിലേക്ക് യാത്ര തിരിച്ചത്.

സോഷ്യൽമീഡിയയിൽ നിരവധി ആരാധകരുള്ള താരം കൂടിയാണ് എദ്വാർദോ സന്റീനി. കുട്ടിക്കാലം തൊട്ട് സന്റീനി മോഡലിങ് രംഗത്ത് സജീവമായിരുന്നു. അഭിനയത്തിലും നൃത്തത്തിലുമെല്ലാം കഴിവ് തെളിയിച്ചതിനു ശേഷമാണ് മോഡലിങ്ങിലേക്ക് തിരിഞ്ഞത്.

ഇൻസ്റ്റഗ്രാം പോസ്റ്റിലൂടെയാണ് ആത്മീയ പാത തെരഞ്ഞെടുത്തതായി സാന്റീനി അറയിച്ചത്. മോഡലിങ്, അഭിനയം, നൃത്തം... ഇതെല്ലാം താൻ ഉപേക്ഷിക്കുകയാണ്. പക്ഷേ, തന്റെ എല്ലാ താത്പര്യങ്ങളും ഉപേക്ഷിക്കുന്നില്ലെന്നും ദൈവത്തിലേക്കുള്ള തന്റെ യാത്ര തുടരുമെന്നും കുറിപ്പിൽ പറയുന്നു.

കുറിപ്പിനൊപ്പം പങ്കുവെച്ച വീഡിയോയിൽ മോഡലിങ് പോസിൽ നിന്നും പള്ളിയിൽ മുട്ടുകുത്തി നിൽക്കുന്നത് വരെയുള്ള ചിത്രങ്ങൾ പങ്കുവെച്ചാണ് വീഡിയോ. കുട്ടിക്കാലം തൊട്ട് മനസ്സിൽ കൊണ്ടു നടന്ന ചോദ്യങ്ങൾക്കുള്ള ഉത്തരം കണ്ടെത്താനുള്ള ആർജവമുണ്ടായത് നിരവധി യുവാക്കളെ കാണാനിടയായതോടെയാണ്.

എന്നാൽ പലതരം ഭയങ്ങൾ ഉണ്ടായിരുന്നതിനാൽ ഉത്തരങ്ങൾ കണ്ടെത്താൻ മടിച്ചിരുന്നുവെന്നുവെന്നും അദ്ദേഹം പറയുന്നു. തന്റെ എല്ലാ ആഗ്രഹങ്ങളും ഉപേക്ഷിക്കുകയല്ലെന്നും കാരണം അതും തന്റേ തന്നെ ഭാഗമാണെന്നും അദ്ദേഹം പറയുന്നു. മറ്റൊരു രീതിയിൽ അവയെ സമീപിക്കാനാണ് തീരുമാനം.